粤语博大精深，单从粗口都可以反应出来，粤语粗口绝不简单，非常之耐人寻味。
点解咁讲呢？下边就同大家分析下~
首先，先从一D粗口程度唔系好深既情况开始。
请大家设想一个场景：你着著套名貴西裝，今晚正要赴一个好重要既商务会议，出门前，你个可爱既细佬好死不死向你跑过来，仲唔知点解就摞著杯冻奶茶，于是，奶茶倒系你身上，你必须要换衫。
你好嬲，你可能爆粗：“丢你老母啊！你系咪傻架？”
“丢你老母啊！”呢个前半句，作用系加强语气，表示你好嬲，其实冇咩操作性噶，佢系你细佬来噶喔，佢老母咪都系你老母咯…
后边半句就有意义啦，呢种场景下，“你系咪傻架？”五个字，加上一个问号，引起佢反思，从而改善佢下一次既行为，简单明确，程度相当好，唔会太重，毕竟系自己亲细佬，教育为主啫嘛。
而程度较重既粤语粗口，唔系教育，真系叼人果种呢，往往系当前社会价值观既体现。
呢种粗口有一定特点：文法系一个形容词后边加埋xing器官，以表示呢个形容詞既极度加強版！比如：、懞撚…
点解话呢种粗口系社会价值观既体现呢，比如：
呢个社会中，女性以外貌決定价值，所以「猪西」，用于攻击女性，女性就会觉得好嬲；
男性被认为应该英明神武做得到大事，所以「废柴」，「憨鸠」最能打击到男人信心。
一个男人被闹「7样」佢一般唔会好嬲既，因为社会价值上，外貌对决定男人价值唔系首要，但搭配「憨鸠」系前边，联合使用，则威力加倍。大概可以解读成「你笨，你没价值」。
时代发展到今日，社会价值观都有D微妙变化既，「穷撚」呢个词既应运而生就系个好生动既例子。你不会用「穷西」来闹女人吧？点解啊，因为女人“穷”系冇问题噶，男人唔可以穷啊！
「伯母做鸡呀!」呢句粗口就相对老派D，「Stop la啦肥矮7毒死穷撚」就新潮好多，因为社会价值观亦是都变得笑贫不笑娼咯。你谂下，读书果阵，老师有教，重要既话放句末，唔信你将“肥矮7毒穷”五个字选一个配系“死”同“撚”既中间，其他四个连著放前边，睇边个版本讲起来最顺，闹人最畅快咯。然之后你就会知，系呢个时代，对于男人来讲，穷，真系罪孽深重…
仲有其他就唔再多讲啦，简单描述比如：大错则Hi——偶而Hi可提振精神，事事Hi就会令人信心尽失。
千言万语，希望大家明白粗口既好处，多加善用啦~
粤语粗口，就系咁样耐人寻味！
来源：有野
友情链接