致从事粤语教学者
大家好，我系【搞掂粤语】嘅橙老师，好多谢选择咗【搞掂粤语】嘅朋友，感谢你哋嘅信任，我哋会用我哋特有嘅教学方式，去进行教学，连教材都系我哋自己整嘅，哩个我可以向大家保证。
甘讲翻正题，宜家学习粤语虽然唔系话好热门，但是有咁嘅需求，我哋就要满足学生嘅需求。冇错，哩篇文章我用白话讲，系因为，就系讲畀啲从事粤语教学嘅人听噶。点解？因为我见到好多从事粤语教学嘅人，第一满口乡音，第二唔理解粤语入面哋俗语嘅意思。哇，大佬，你广告同公众号写明帮人去乡音噶喔，教人正宗粤语噶喔，你自己满口乡音，仲话去乡音，麻烦你自己去“洗”下你啲乡音啦，甘你个广告不如写：“地道乡音粤语教学”啊？
再来，对一啲粤语字词嘅理解真系..唉，我只可以用Mr.嘅一首歌来形容：可笑~真的可笑~最近，我喺一个叫小杨老师嘅粤语教学者度听到，啊，系喺佢公众号听到噶，佢话，形容一个女生漂亮，可以用“好正”，我又想用一首粤语歌嚟表示我噶心情，就系张敬轩嘅《我的天》！大佬啊，有冇搞错，形容女仔漂亮，粤语用“好正”？冇问题噶，各位不懂粤语的男性朋友，额，女性朋友也行，下次你们看到你的女性朋友，想称赞她们的时候，你可以说：“哇，你好正！”可笑。
仲有，又系哩个小杨老师，佢解释“折堕”，系“缺德”噶意思，张敬轩，嚟，嚟唱下《我的天》，咁我系咪可以将哩个例句甘样翻译？“哇，你睇下啊个西装友，喺度执垃圾食，真系折堕咯。”“哇，你看一下那个穿西装的人，在捡垃圾吃，真是缺德咯。”无知，佢仲系一个唔知边度揾翻嚟噶网站噶翻译畀我睇，呐，缺德啊。呵。唔该你去睇多几期粤语讲解节目啦，唔知？佛山台以前放嘅《粤讲粤过瘾》啊！学习下先啦。
讲翻某啲老师噶口音，有口音唔系错，口音系每个地方祖先遗留落嚟噶野，我唔否定文化多样性，但系你，可唔可以去咗你啲口音先嚟教学生啊，学粤语啊啲学生真系好崇拜啲老师嘎，你讲乜佢地就信乜，你咁样，就算人地学有所成，都会学埋你啲口音啦，记住啊，系崇（sung4）拜啊，唔系“虫”（cung4）拜啊。
仲有好多搞笑噶音嘎，例如“生鱼片”啦，“随便”啦，“垂直”啦，“虐待”啦，“鄙视”啦，“郁闷”啦…讲真，除咗乡音，影响粤语嘅仲有普通话，宜家嘅人，无论大人定话细路，都受普通话影响，而讲唔准粤语，更甚至唔识讲，粤语又叫广府话，系广府地区噶母语，广东人讲好粤语，系为咗更有亲戚感，外省人学粤语，系出于对粤语嘅热爱，对我哋文化嘅一种热爱，既然你要教人，就唔该，做好准备，至少教下人地粤语音标啊，每日就喺个微信群度发几条语音，几个例句，例句噶意思仲要错噶，顶唔顺，咳咳我哋【搞掂粤语】有系统嘅粤语音标教学，想学粤语，就来报名啦~
哦，仲有一点，就系懒音，宜家好多后生仔，讲粤语都系有懒音噶，如：“牛”、“鸭”、“呕吐”、“点解”等等等等…
虽然我唔系乜嘢粤语大神，我自己都仲有好多野要学，其实我就系想吐槽下哩啲现象嗻，虽然题目系写明粤语教学者，但系我想大家都听下，因为我热爱粤语，我唔想佢消沉喺历史噶长河入面。最后希望大家一齐嚟报名【搞掂粤语】啦~耶~
友情链接