粤语小组介绍
ScalersTalk粤语小组成立于2016年1月28日，旨在为粤语爱好者提供一个学习朗读的平台。目前已经完成了《粤语（香港话）教程》课文及短文的朗读内容。现阶段的朗读材料为香港（粤语）电视新闻内容及优质文章，进群需要完成入群任务，完整标准朗读粤语的声母及韵母，另外用80字左右的粤语介绍自己，包括为什么想学粤语、期望达到的学习水平。完成后在A/B/C群里找Amanda Su（2533XXXX）提交入群任务。入群要求保持持续行动，按照群内规则完成每日学习任务，群内将定期对潜水党进行清理。
往期日志和相关阅读：
ScalersTalk粤语小组第14-15周训练日志
广东的早茶文化（粤语） | ScalersCast第54期
文段一
饮茶，对于普通人嚟讲，就係字面意思，但係係广东人嘅眼入边，就冇咁简单。对于广东人嚟讲，“饮茶”通常係指到酒楼去品茗、食点心。呢个係广东人同香港人嘅一种生活习惯，已经有几百年历史喇。
广东嘅早茶起源于咸丰同治年间，当时嘅早茶的而且确係早茶，茶馆里边供应茶水同简单嘅糕点，供路人饮茶、休息、倾计。随住客人嘅钟意，生意规模越做越大，慢慢就出现咗茶楼，茶点嘅种类亦都越嚟越多。之后，广东人上茶楼饮早茶就已经成为一种习惯。直到今日，早茶中嘅茶已经成为配角，茶点就越嚟越精致，品种亦都越嚟越多。
每日朝早，无论係繁华嘅都市，抑或係偏僻嘅农村，酒楼或者茶楼都好早就开门，有d晨早流流四点零钟就已经开市嘞，而且好快就满座，唔少饮茶嘅客人仲有固定嘅位。大家係酒楼入边联络感情，交流信息，倾生意，讲时事，一般一坐就係成个上昼。
饮茶已经成为人际交往嘅重要方式，成为唔少人日常生活不可缺少嘅一部分。死党见面，通常都会约去“饮茶”；亲戚同事有喜事，大家都会逼他“请饮茶”嚟分享佢嘅快乐；人地帮咗手要讲多谢或者因为某d事情要道歉，都可以通过“请饮茶”嚟表示；有事商量亦都可以“边饮茶边倾”……
重点词汇
文段二
,“饮茶”俾佢留低咗深刻嘅印象，所以佢有“饮茶粤海未能忘”咁嘅诗句。大家仲将饮茶当成係一种生活享受，所以广东话里边有“叹茶”呢个词。
“叹”係享受、享用嘅意思。“叹茶”，係指係酒楼里边悠闲咁饮茶食点心。饮茶一般从朝早到上昼，因此又叫做“饮早茶”。宜家有d酒楼下昼、夜晚都开茶市，下昼饮茶叫做“饮下午茶”，夜晚饮茶叫做“饮晚茶”。
所谓饮茶，梗係唔少得茶喇。常见嘅广东茶有乌龙茶、铁观音、普洱茶、红茶、绿茶等等。广府人饮茶嘅时候饮菊普茶比较多，菊普茶係普洱茶加埋菊花，係早上饮对肠胃会比较好。
重点词汇
文段三
饮茶嘅时候有个礼仪，叫做扣茶礼。话说清朝乾隆皇帝微服下江南，同随从去茶楼饮茶，佢扮成係下人，就俾扮成主子嘅随从斟茶，跟住个随从就好惊，哇，如果係皇宫入边，佢咁样係要跪低扣头谢恩。
但因为係宫外又唔可以暴露乾隆嘅身份，惊会引嚟不必要嘅危险。于是佢灵机一动，用两只手指模仿两只脚跪低，双指弯曲敲两下台面。之后，呢种叩茶礼就係茶居流行开，成为咗一种茶俗。
当然，饮茶唔只得茶水咁简单，佢只係一个配角，主角当然係我地人见人爱嘅点心。广东点心又称为广式点心，係以岭南小食为基础，广泛吸取世界各地，包括六大古都嘅宫廷面点同西式糕饼技艺发展而成。
品种多达4000几款，係全国点心种类之冠，具有用料精博，喜用海鲜，品种繁多，款式创新，口味清新多样，制作精细，咸甜兼具等特点，各款都讲究色泽和谐，造型特出，相映成趣，能够适应四季节令同各方人士嘅需求。跟住落嚟就介绍下广东早茶嘅“四大天王”，即係虾饺、烧卖、叉烧包、蛋挞 。
重点词汇
文段四
1.虾饺
虾饺係以鲜虾仁做馅，係名副其实嘅虾肉饺。虾饺可以讲係广东早茶嘅大佬，每间酒楼嘅招牌都係自家自制嘅虾饺。据讲，初期有虾饺呢个谂法嘅人，係广州河南乡间一间茶楼仔嘅老细。由于呢间茶楼仔位于水乡，经常有渔民係河面度叫卖鱼虾，个老细就买咗d活虾，配埋猪肉做馅，别出心裁咁做出咗虾饺，以虾之鲜美而驰名广州。优质美味嘅虾饺一定要皮薄而软，如果饺皮是半透明嘅就仲正；虾要爽口弹牙，饺内有少量汁水，食虾饺嘅时候仲要趁热食先至会好食。
2.烧卖
烧卖是四大天王入边嘅二佬。係用半肥瘦嘅猪肉、虾仁、云吞面同埋鸡蛋为主要原料制作而成，虾仁一般会放係烧卖嘅最上边，吸引住食客嘅注意。有d仲会加埋马蹄粒、蟹籽等爽口配料，使其更加色鲜味美，爽口弹牙。猪肉係烧卖最主要嘅部分，新鲜嘅肥肉同瘦肉巧妙嘅搭配做到既有弹性又有肉汁。两啖唔到，细细嘅一粒烧卖就已经食晒喇 。
重点词汇
文段五
3.叉烧包
叉烧包相信好多人就算唔去酒楼，平时食早餐嘅时候都会吃到。佢係用细块嘅叉烧，加入蚝油调味成为馅料，放係蒸笼蒸熟而成。叉烧包嘅大细一般係直径五公分左右，一笼通常有三个。好嘅叉烧包采用肥瘦适中嘅叉烧做馅，面包皮蒸熟后软滑程度啱啱好，稍微裂开少少，露出叉烧馅，渗发出阵阵叉烧嘅香味。
4.蛋挞
蛋挞一般分为牛油蛋挞同酥皮蛋挞两种：牛油蛋挞嘅挞皮比较光滑同完整，有一阵牛油香味，口感好似曲奇咁。而酥皮蛋挞嘅挞皮係一层层薄酥皮。
除咗以砂糖同鸡蛋为蛋浆嘅主流蛋挞之外，亦有係蛋浆内混入其他材料嘅变种蛋挞，譬如鲜奶挞、姜汁蛋挞、朱古力蛋挞同埋燕窝蛋挞等等。
香港嘅麦兜亦都好钟意食蛋挞，曾经讲过好多有关“蛋挞”嘅名言：留得青山在，哪怕冇蛋挞?一言既出，四个蛋挞!本来无一物，何处食蛋挞?一串光阴一串挞。好汉不吃眼前挞。天有不测之风云，人有霎时之蛋挞。
重点词汇
文段六
“你咁忙，仲有时间嚟画油画？”“你咁忙，做乜仲有时间去进修？”我嘅答案同我对压力嘅睇法有关。
压力会带嚟焦躁、不安甚至失控嘅行为。每个人惊嘅压力源都唔一样。我钟意学习，将“学习”设定成“娱乐频道”，从来都唔会因为将“学习”排入人生行程表而后悔。佢哋係有建设性嘅压力，会令你得到另外一种精神上嘅补偿。
一般人通常用嘅减压方式，有以下几种。
第一种係山洪暴发法。比如以前我见到一位主管，平时有讲有笑，但係当压力太大嘅时候，佢就会係大家完全冇预期嘅情况之下，变成一只发癫嘅狮子。我亲眼见过他将只杯掟向他嘅一个下属，只係因为佢係报告里边写错咗一个字。
佢平时个减压方式係打麻将，但好明显，打麻将完全无助于减压。有一次，我係同事屋企又睇到佢嘅古怪行为：佢工作唔顺，打麻将手气又差，撞啱有人唔识做，係自摸之后仲刻薄咗一下其他三家，佢心情就极之唔爽，一下揭翻咗张台，我仲差d被飞埋嚟嘅烟灰缸砸亲。
重点词汇
文段七
第二种係醉生梦死法。疯狂购物、冇节制咁打牌、依赖药物、酗酒、狂欢嚟逃避压力，通常都係暂时嘅，只会增加某一部分嘅压力，麻痹一排之后，身心健康都受到影响，心灵依然空虚，人生更加无趣。
最后一种是全盘改变法。有d人就擅长用“激烈改变人生”嚟减压。辞职、换个份工，甚至同恋人分手。因为佢哋擅长“归罪”，唔擅长解决。只要一有唔顺，就觉得“一定係边个边个害嘅先会搞成咁，只要离开佢就好嘞”。完全唔肯面对问题嘅结果就係：换嚟换去，係工作上失去累积经验嘅能力。做呢种人嘅伴侣，更加係无辜到极。
好多年前我就话俾自己听：人生係好有限嘅。为咗令自己体会唔一样嘅乐趣，我每一两年都会安排自己学新嘅事物，比如陶艺、摄影、弗拉明戈舞、表演、游泳或潜水……虽然我都冇成为专家，但係都可以令我嘅人生多咗唔一样嘅成就感，也都意外带俾我唔少写作灵感，增加咗好多题材。
重点词汇
文段八
甚至，连我宜家主持嘅工作，係十年前亦不过被我当成一个“上补习班”嘅娱乐频道。当时有人揾完全冇经验嘅我涉足呢一行，我亦曾经因为自己表现得好差想要逃离，但后嚟我亦都改变咗自己：我将佢当成一个“有人俾钱我使又可以补习”嘅课程，鼓励自己尝试挑战，不知不觉间，佢竟然变成咗我嘅主要工作之一。
我係学习中嘅另外收获係交到咗好多志同道合嘅朋友。愿意学习嘅人，都有愿意迎向阳光嘅特质，亦都好愿意係佢哋嘅专业上提供协助。
学习可以减压，而且可以建立“正向”嘅人脉，甚至可能成为你真正嘅专长，有咩事比它仲着数？唯一要调整嘅只是你嘅心态：唔好将学习视为一件苦差事，就係咁简单。
你选择嘅“娱乐方式”，经常係不知不觉间决定咗你嘅未来。
重点词汇
文段九
係屋企靠父母，出门靠朋友。或者因为呢句说话，好多人成日都会到处留电话、要电话。曾几何时，唔少人将攞到人地嘅电话或者合影当成係炫耀嘅资本。
忽然谂起十几年前，偶然接触到某个“大人物”，交流得好好，仲几啱key，互相留低咗电话。原本以为呢个係个好重要嘅人脉资源。冇耐啱好碰到个困难，谂起呢位“大人物”。于是发咗条长长嘅短信，冇复！又打个电话过去，结果听到三个字：唔得闲！讲真，当时真係好有挫败感。
好多人都遇到过咁嘅拒绝，以为同对方留低电话、加咗微信，彼此应该可以帮手，但係唔记得咗一件重要嘅事：只有资源平等，先会互相帮助！
好多社交其实冇咩用，望落好似留低咗人地嘅电话，但係係需要帮手嘅时候，只係白打咗一个电话。因为你唔够优秀————虽然好残忍，但係边个又愿意帮一个唔优秀嘅人呢？
重点词汇
文段十
2014年，我係上海某个院校同教职工分享《时间管理》嘅课程，有一位后生嘅博士生问到：“自己忙紧工作嘅时候，经常会碰到一d不速之客，应唔应该拒绝？会唔会失去人脉？”我话：“只有优秀嘅人，先可以得到有用嘅社交！”
呢位后生嘅博士生感悟道：“係未攞到博士学位之前，好少有人主动揾我，我终于明白宜家点解有人主动揾我了”。最后，佢肯定咁表示应该花多d时间係自己嘅科研项目上边，冇必要将时间浪费係无效嘅社交活动上边。
如果你唔够优秀，人脉是不值钱嘅，佢唔係追求得翻嚟，而係吸引过嚟嘅。只有等价交换至可以得到合理嘅帮助。虽然听起身好冰冷，但係呢个就係事实。
我身边曾经有个咁嘅人，他每日嘅大部分时间都係同朋友係一起，美其名日为交朋友，拉关系。为咗朋友，经常忽略咗屋企人，同屋企人係一起嘅时间非常之少。
啱开始，身边的确有一班朋友围住、跟住，係佢嘅心入边，有朋友就好似有咗一切咁。后嚟，关系仲可以嘅人逐渐离去，点解呢？主要原因就係佢哋嘅事业越做越好。除咗冇时间之外，恐怕就係觉得冇咁嘅必要嘞。因为当你将时间用係朋友关系上边嘅时候，自己冇其它过硬嘅本事，亦都打唔好事业嘅根基。
重点词汇
文段十一
天有不测风云，佢身体出咗状况，得咗癌症。医生话同平时嘅生活习惯有很大关系，例如经常应酬导致饮酒过量、生活冇规律等等。令人难过嘅係，朋友知道佢得咗癌症之后，就好似避瘟疫咁离开佢，最后陪係佢身边嘅只有屋企人。
我哋不免会感慨一句：世态炎凉！呢种情况点只佢一个人？芮成钢坐监嘅时候，他遍布全世界嘅死党都唔见晒，昔日嘅朋友都係树倒猢狲散，落井下石嘅人反而越嚟越多。
係你仲未足够强大、足够优秀嘅时候，先唔好将太多宝贵嘅时间用係社交，花多d时间读书、提高专业技能。放弃冇用嘅社交，提升自己，世界先会变得更大！
当然有一种情况除外，当你有钱嘅时候，他话我哋係兄弟，当你落难嘅时候，他依然话我哋係兄弟。呢种不离不弃嘅人，先可以称为真正嘅朋友，呢种人就唔适用于以上嘅规则。呢种人唔使多，係呢个浮夸嘅世界入边，几个就够。范冰冰曾经讲过，我唔嫁豪门，我就係豪门。对待人脉呢件事我哋亦都要攞出范爷嘅态度：我唔追求人脉，我就係人脉。
重点词汇
ScalersTalk ID:scalerstalk本微信公众号作者Scalers，游走在口译世界的IT从业者。微信公众号ScalersTalk，微博@Scalers，网站ScalersTalk.com，口译100小时训练计划群C 456036104
成长会是由Scalers发起的面向成长、实践行动，且凝聚了来自全球各地各行各业从业者的社群。有意入会者请和Scalers直接联系，我和其他会员会和你直接交流关于成长行动等各方面的经验教训。2016年成长会持续招募中，参见做能说会写的持续行动者：ScalersTalk成长会2016年会员计划介绍(2016.3更新)
友情链接