老饼粤语VS新兴潮语,你觉得边个到肉啲?

2020-09-27 01:08:45

粤语千变万化，过去嘅常用俗语如「因乜解究」、「符弗」等，已日渐较少人使用。以下呢啲过往常见俗语，大家又记得多少？

唔少模仿昔日香港嘅电视剧会用「因乜解究」来发问，其实意思系点解」。而近年较多人用「点解嘅」甚至谐音「典解嘅」，略带讽刺的「火星文」意味。

蛇?（gwe1）有胆小，懦弱嘅意思，有指来自英文Scared。近年已愈来愈多人用「淆底」，除咗胆小，仲有临阵退缩嘅意思。而单用「淆」字亦可表达其意，如：你淆唔淆？我好淆啊！

以往「去wet」、「去蒲」及「去威」等均有去吃喝玩乐及去消费嘅意思。而90年代较多电影及电视剧用「去wet」字眼，近年已愈来愈罕见，反而用「去蒲」代替，亦有电影以此为题材。

「猪标」及「猪兜」均有蠢及傻嘅意思，如90年代便有由万梓良及张学友主演嘅电影《猪标一族》，但现时已较少人用「猪标」，用「猪兜」等比较多。

符弗（fu4 fit7）即办法，但现时多讲「无晒符」，较少人再讲符弗呢个俗称，而系直接用计仔、招数等代替。

近年「剩女」一词流行，令本来用来形容年纪较大又未婚女性嘅「摄灶罅」变得较少人用。虽然两者皆略带贬义，但「摄灶罅」除咗形容女性嫁唔出，仲有要留喺父母身边，倚赖家人嘅意思，而「剩女」相对而言亦可形容事业独立嘅女性。