最惊劲懒认叻新人！黎耀祥睇《流氓》嗌娘
艺人黎耀祥（祥仔）出席无线新剧《逆缘》宣传，对于陈家乐表示拍摄掌掴戏份时，不敢向他与姜大伟两位前辈出手，黎耀祥不讳言当时家乐的确紧张，故已着对方不要留力出手，否则未能收工，更谓：“我话姜大伟由细畀人打到大，系打星，边会打得死，打戏都唔惊，点会惊打一巴呢！”
睇好陈家乐
对于与新一代演员家乐合作，黎耀祥大赞对方有潜质，开工前会熟读剧本、背熟台词，又会翻看粤语片偷师，他谓：“我睇好家乐，勤力又有外型，呢个系成功因素，好开心可以同呢啲后起之秀合作，最惊系嗰啲又懒又觉得自己好叻嘅新人。”
去横店拍首部内地剧
问到同剧的夏文汐会否返港宣传？祥仔笑指对方忙于上海及美国两边走，故未知能否配合，而自己稍后也要到横店拍摄首部内地剧，故也未必能参与该剧稍后的宣传。
有睇《流氓大亨》
谈到无线早前重播经典剧《流氓大亨》，剧中的他一人分饰三角，黎耀祥笑指也有收看，他谓：“有睇到自己做歌唱比赛参赛者嗰场戏，真系好娘，所以我成日同啲新人讲，佢哋对住镜头唔怕丑已经好叻，我以前成碌葛咁，睇番都觉得肉酸，不过呢样嘢都系几好嘅纪念嚟嘅。”
黎耀祥笑言有睇番《流氓大亨》，见到自己都觉得好娘！
不过佢话都系个纪念嚟嘅！
佢大赞后辈陈家乐（中），赞对方勤力又有外型！
最惊就系嗰啲又懒又觉得自己好叻嘅新人！
唔知讲紧边个呢？
讲到家乐（右）要掴佢同姜大伟（左），佢笑言姜大伟由细畀人打到大！
点会惊嗰一巴掌！
姜大伟
《流氓大亨》电视截图
---------------------------------
商务合作QQ：2063871309
最新最快最全：关注订阅号tvbdrama，回复你想要的
（长按下图识别二维码即可轻松关注）
友情链接