唔识呢个谐音,你将会错过部剧80%嘅笑点

呆萌大叔2016 发表于 2020-12-04 07:05:04 | 只看该作者
0 0


之前我哋讲过香港经典情景剧《皆大欢喜》,事实上,《皆大欢喜》一直系我心目中香港神级情景剧,求其点开一集睇我都可以笑半个钟。


(重温之前文章→据说16年前每一个温暖屋企,都睇过皆大欢喜


同正剧相比,情景剧嘅幽默系星斗市民级嘅诙谐日常,佢嘅笑料直接而纯粹,唔使思考太多,直接就可以引爆你笑点。


而《皆大欢喜》做得最经典嘅就系谐音梗人物、地名、对白处处都系谐音,令你一睇到就会心一笑。


所以当你睇普通话版嘅《皆大欢喜》,你将会睇唔明下边呢啲笑点。




从前有个镇叫池力共镇(磁力共振),镇上边有间叫洞蜜园(动物园)嘅食肆。

 

后来金家一家入宫,每个宫殿名叫:

萝芣宫(罗浮宫)

嘉仁宫(加人工)

舞蕾宫(无雷公)

东阴宫(冬阴功)

庄旦宫(装弹弓)

 

一家之主游念慈,发音有啲似“游泳池”,外号叫“慈姑”(慈菇),佢有个细佬叫“游念富”,发音又好似“游泳裤”。

 

金家三兄妹分别叫:金年(今年)金月(今月)金日(今日)。


 大嫂系深田公主(深田恭子),冒名为金家恩人恭应湘(供应商)之女恭欣素(公因数),身边有个小太监叫阮鲸单(苑琼丹)。

 


二嫂叫林玉露(淋浴露),佢老窦叫林善(粤语中善良淳朴嘅意思),佢阿妈叫花淇心(花旗参),佢阿哥叫林玉刚(淋浴缸)。


舅奶奶叫云影姬(“云英鸡”,无后),嫁咗过去游家之后,就叫游云氏(游魂氏)。

 

入咗宫之后,有个郡主叫纱纱郡主(洒洒滚),


仲有个贵妃叫宝玲逑(保龄球)


其实万贵妃原名叫万奇英(万耆鹰),外号“残鸡英”,佢阿哥叫万钰琦(万国旗)。


佢哋嘅近身太监系凌零发(零零发)。


去到现代版之后,洞蜜园变成洞蜜园茶餐厅,金家上下唔再住池力共镇,变咗住喺茂利大厦。



 嘉仁宫变成嘉仁公司,老细叫王尚(皇上),佢个女个名变成王仪,而万贵妃依然叫万桂菲(万贵妃),佢嘅竞争公司就叫舞雷公司(无雷公)


阮兆祥嘅角色从游念富变为刘锦(流感)


新角色洪白岚(红白蓝),屋企人分别叫洪七恭(洪七公)洪罗白(红萝卜)洪宝硕(红宝石)洪豆莎(红豆沙)。


佢最后嫁咗畀施梓山(狮子山)。

 

游念慈同吴修有七世姻缘,今世系七世冤家,真系前世唔修咯!

 

有个叫米贵嘅疯狂追求石美,令到石美好鬼惊,真系怕佢多过怕米贵

 

金日去咗拍戏,佢拍过嘅电视剧部部都系经典:


《凤舞菠萝》(凤舞香罗)

《倩女勾人》(倩女幽魂)

《金粉细妈》(金粉世家)

《当夏枯草煲到干水时》

(当四叶草碰上剑尖时)

《西瓜大少》(西关大少)

《大闹紧张龙》(大闹广昌隆)

《花甲中年》(花样中年)

《帝女瓜》(帝女花)

 


万国舅改名为石大奇,都去咗做演员,拍过《笑声救豉油》(笑星救地球)《冲上神台》(冲上云霄)《卧虎肥龙》(卧虎藏龙)



石大奇喺2005年凭电影《虾米凹凸》(哈利波特)荣获金牛奖(金马奖)影帝。

 

喺《皆大欢喜》入边,

仲有个电影导演叫王虾米(王家卫)

有个明星叫蔡㶶华(蔡枫华)

有个歌星叫谢秀文(郑秀文)……

 



 唔知上边嘅笑点,

你当年睇嘅时候,

又get到几多呢?


(最后赠送一只野生嘅马国明)


素材出自维基百科等

羊城网负责整理编辑

本帖子中包含更多资源

您需要 登录 才可以下载或查看,没有帐号?立即注册

x

本帖被以下淘专辑推荐:

您需要登录后才可以回帖 登录 | 立即注册

本版积分规则

加入我们,

发现生活更美好...

立即注册

如果您已拥有本站账户,则可

香港粤语音乐分享社
香港粤语音乐分享社

© 2017-2018 hebwjwc.com

返回顶部