做广告之前,学下粤语先好唔好?

>>点击上方蓝字即可关注“互动传媒”哟<<

广东作为一个经济发达嘅大省，用粤语广告去打动广东人，我哋都可以理解，但系，做广告之前麻烦你先学下粤语好唔好？

近日喺广州发布嘅两则广告，畀唔少讲粤语嘅人耻笑。

一则系恒大冰泉发布嘅海报，“冠军好水”虽然我哋都知道你想表达恒大冰泉系女排指定饮用水，之不过，系广东人嘅认知上，“好水”等同于“好”咯！好差咁解啊~！

另外一则就系某网络导航器，用“一路捞”作为slogan，佢想表达嘅应该系用咗佢哋嘅浏览器可以一路都有着数摞。然而广东人讲捞无非系两种意思：一系通过唔正当嘅手段去获取利益，二系用嚟形容冇素质嘅外省人。真系好想问一句：你系咪低能噶？

其实喺名为“我唔识粤语”嘅广告系列入边仲有好多佼佼者，我哋继续去波↓↓↓

广州人日日都望到嘅小蛮腰，冇错，佢大名叫“广州塔”，同“广州塌”系近音，都唔知改呢个名条友系咪好想广州塌？

讲到广州嘅建筑物梗系唔少得呢个“广州圆”，一个广州塌一个广州完，你哋同广州究竟有几大仇口？

除咗建筑物，就连公仔都唔放过！

宜家家居(唔系卖广告)曾经因为一款公仔而引发出嘅风波，原因就在于，呢只公仔个中文译名叫做“路姆西”。为免继续引起误会，宜家已经将佢改名叫“路福西”了。买到呢个公仔返去嘅朋友，真系唔好随便“掉”佢……

早几年，肯德基随套餐赠送嘅一款公仔，个粤语名就叫“莉露姆”，“洋名”变“咸名”，叫啲小朋友摞住“你老母”周街行，我真系接受唔到咯……

而竞争对手麦当劳都唔执输，一开口就用“你老味”嚟问候大家，搞到小编一度以为依家啲广告可以讲粗口……

最后小编畀各大广告公司一句建议：

本文由羊城网gznffans原创，转载请注明出处。