【有片】IU请方大同做嘉宾再唱《囍帖街》为港迷改编广东话《夜信》

IU香港演唱會年年都有驚喜，今年就請到方大同做嘉賓，同IU用韓文合唱《Can't Love You Anymore 》，由方大同唱本身由hyukoh吳赫唱的部分。見IU同方大同夾得咁好，可能因為方大同以前都有同Zion. T合唱《味道》，所以對韓文都不太陌生。

IU請到方大同係勁嘅，估唔到兩位一拍即合。

【《Can't Love You Anymore 》】

方大同一唱完歌就話自己有買IU隻CD，又話要盡地主之誼去請IU食菠蘿包，但IU搞笑地以為方大同開菠蘿包店，令方大同即時否認，引起全場大笑。其實IU啲廣東話一直都好好，更不停話「我好幸福」、「開心嗎？我都好開心。」、「點算呀」，不過講得最多嘅一定係「飲淡水先」。

IU再唱廣東歌，香港UAENA有褔了！

IU李知恩為左香港UAENA仲破例去唱《Good Day》嘅三段高音，令一眾UAENA都十分驚喜。但IU唱《LEON》嘅時候唔知係咪太投入，唔小心跳甩咪，所以首歌大部份時間都同個咪set格鬥中。

不過好在IU夠專業，遠睇完全唔覺，最後係兩個Dancers幫手下大功告成，整返好。去到後段，IU仲要落台同粉絲近距離互動，走曬全場仲送啲波俾台下嘅UAENA，真係好。雖然粒波係記者身邊，同記者擦身而過，但可以近距離見到IU已經好幸福了！

IU唱足3個幾鐘，絕對無呃鐘。

IU係安歌部份再次挑戰唱廣東話，一開始就為香港UAENA專門把《Through the Night》改編為廣東話詞，用廣東話去唱，真係好勁。點知原來未完，IU詢眾要求之下事隔2年再次唱出謝安琪嘅《囍帖街》，真係誠意十足架！最後演唱會足足3個幾鐘到11點15分先完，希望IU快啲再到香港見UAENA啦！

【《Through the Night》】

希望IU可以快啲再到香港啦！

【《囍帖街》】