略论「即时」,一个古雅嘅书面语

吴梦2015 发表于 2019-05-18 04:05:53 | 只看该作者
0 0

今日,小弟發咗一封電郵畀個客,其中用咗「即時」一詞。我同事見到,同我講:「你封電郵箇度寫『即時』啊?呢句粵語來架喎,對方睇唔睇得明架?你應該寫『立刻』。」我即時同佢講:「『即時』係個書面語來架。」

然後我即時百度,舉咗如下白話文嘅例子畀佢睇:

『紅樓夢.第五二回』寳玉點頭,即時換了衣裳。

王統照『山道之側』越過京綏路軌道,向東北行去,即時入了山裡。

明.馮夢龍『東周列國志.第四回』姜氏見了二書,羞慚無措,自家亦無顏與莊公相見,即時離了宮門,出居潁地。

然後我繼續同佢講,因爲當時我要用「即時」呢個詞,先可以準確噉表達到箇種迫切感,換咗「立刻」係無法表達嘅。因爲「即」就係表明係箇一刻。粵語常講嘅「即時」唔單止係口語,重係一個書面語,且係雅言添。

之後佢無聲出。

其實我祇係舉咗白話文嘅例子畀佢,文言文我都未舉。而家我喺呢度舉:

『列女傳.辯通.齊傷槐女』晏子出,景公即時命罷守槐之役。

『前漢紀.孝武皇帝紀六』(鉤弋夫人)兩手皆捲(kyun4握實),上自捫(mun4撫摸)之,即時伸。

『東觀漢記.和熹鄧后傳』宮人盜者,即時首服。

『晉書.文苑傳.張翰傳』使我有身後名,不如即時一杯酒。

宋.楊萬里『怪菌歌』數莖枯菌破土膏,即時便與人般高。

冣後總結一句:文字貴精準。

本帖子中包含更多资源

您需要 登录 才可以下载或查看,没有帐号?立即注册

x

本帖被以下淘专辑推荐:

您需要登录后才可以回帖 登录 | 立即注册

本版积分规则

加入我们,

发现生活更美好...

立即注册

如果您已拥有本站账户,则可

香港粤语音乐分享社
香港粤语音乐分享社

© 2017-2018 hebwjwc.com

返回顶部