呐~广州话版我应该点同你拍拖...学野啦各位(转)

王通 发表于 2019-04-22 06:48:35 | 只看该作者
0 0

喺广州识谂嘅女仔最讨厌自己男朋友嘅以下行为:


1、成日挂住打机

好多男仔都中意打机,但如果冇日冇夜咁打,显得颓废、不务正业、冇上进心、懒。。。。总之哩个表现可以体现到好多缺点!


2、对未来生活冇规划、冇计划

通常远见係男人嘅长处,作为一个男人如果唔积极去发挥哩个长处,一定会令女朋友好失望!


3、唔上进

男人应该吃苦耐劳,其实唔係个个女仔都贪钱拜金,但如果作为一个男人吃唔得苦,唔肯上进!有何安全感可言呢?


4、成日出去同朋友饮酒

作为一个识捻懂事嘅女人,根本唔会俾好多压力男朋友,有压力可以讲出来大家探讨下!又或者,娱乐开心嘅方法好多!再者,烟酒都伤身。点解成日都要同D朋友出去饮呢?出去饮下酒开心下,偶然一次就OK啦,係要去得咁频密?



5、习惯抱怨,承受力太差

受小小挫折苦楚或自尊受到小小打击,就抱怨到树叶都落晒,心情显得极度低落,抱怨嘅说话可以讲足N日!哩D绝对係负能量之王。对住哩D男人绝对恶顶,做佢朋友果个都觉得难顶,何况女朋友?


6、小气

男人小气妒忌起上嚟,表现出嚟嘅恶作剧威力绝对比女人恐怖得多。男人应该有广阔嘅胸襟同埋大气嘅魅力,又小气又小家种嘅男人,只能用两个字形容:恶啃


7、乜都听晒阿妈话

同着哩类男拍拖,最初觉得个男好乖仔,但时间长左都几激气。其实听阿妈话哩样嘢本来唔係缺点,但大个仔啦,20几甚至30岁人都仲係过分听晒阿妈话,咩都阿妈行头,冇D主见。再忍得嘅女朋友迟早都有爆粗嘅一日!


8、成日搵借口唔结婚

拍拖已久,当个女已经唔细,多数女人都会想结婚。但个男总係有各种唔成道理嘅理由拖延住唔结婚。太自私啦


9、各种更坏嘅作风

比如赌博、花心、偷食、一脚踏N船。。。。。哩D唔详细介绍啦



而广州嘅男人最讨厌女朋友嘅以下行为:


1、喺微信度太高调

开个餐、去个旅行、聚个会,洗唔洗喺朋友圈晒到咁尽?去3日旅行晒足一个星期;当被朋友指责咁晒唔好,佢就会以分享精神为由敷衍。其实,幸福係唔洗晒,幸福係喺心里面感受出嚟,成日晒幸福晒享受嘅人,就係因为唔满足唔幸福,先要通过哩个方法去尽量填补。当个男人每次睇朋友圈总係见到自己女朋友成为好友之中嘅晒幸福冠军,话又话唔听,只能无奈。唔单止咁,仲要迫个男朋友将两个人嘅甜蜜合照放去男嘅朋友圈度。


2、消费大手大脚、贪威识食

省吃俭用係中国女人嘅传统美德,在当今要广州女仔做到咁就实在显得苛刻D。但唔代表要脱离理性消费哩个范畴!对于一个经济条件普通甚至较差嘅男人嚟讲,对住个拿埋都话出去食、成日买嘢、成日出去玩等等习惯嘅女朋友,内心难免感到绝望感。


3、唔懂分析,听晒闺蜜话

无论男朋友讲得几对、几有道理都好,都带有质疑。出到去D姊妹讲一句就马上听晒,深信不疑。哩类女仔最容易被街外人教坏,姊妹闺蜜话点就点,自己根本唔识分析问题。同哩类女仔拍拖,男朋友迟早吐血。



4、成日讲晦气说话,讲分手当食生菜

好地地无啦啦发脾气,好随便将‘分手’两个字讲出嚟!虽然女人讲哩D都係扭计说话,个心并唔係咁捻。但对于有心想同你发展嘅男人,听到哩D说话内心係好失望,日积月累,总有一日佢会答应你分手。


5、查男朋友嘅微信、QQ、短信

每个人都有佢嘅私隐、尊严,咁嚟查係挑战紧佢嘅底线。用人不疑,疑人不用。既然信唔过佢,做咩当初同佢拍拖?


6、太痴身,管得太紧

男上班,个女就成日微信短信,一係就打电话。个男有约会聚会应酬就唔高兴,就算俾佢去,无论咩场合咩人都係要跟埋去。最弊去到就唔出声自己玩手机!!事业係男人嘅主体,朋友圈子对于男人嘅发展同增加知识係相当重要。可以讲当一个人投胎之后成为男性,注定佢哩一生都好忙好辛苦,所以男人係好需要空间。


7、管钱过紧

要求男朋友嘅工资俾晒自己管理,男朋友每次大小消费都经由女朋友批准。


8、埋怨

无论生活上大小事,都唠唠叨叨,冇声好语气。怨妇一个!


9、心计

对住自己男朋友都实施各种心计,一切都为左以自己为中心,为左方便以后控制住男朋友。


=============================

(素材源自网络)

本帖子中包含更多资源

您需要 登录 才可以下载或查看,没有帐号?立即注册

x

本帖被以下淘专辑推荐:

  • · 王通 | 主题: -, 订阅: -
您需要登录后才可以回帖 登录 | 立即注册

本版积分规则

加入我们,

发现生活更美好...

立即注册

如果您已拥有本站账户,则可

香港粤语音乐分享社
香港粤语音乐分享社

© 2017-2018 hebwjwc.com

返回顶部