林欣彤《忍》
昔日唱片公司资金充沛，但大部份歌曲都属改编而非原创，歌词嘅主题单调，大都围绕着爱情，歌手嘅质素亦参差，一D偶像派歌手甚至连基本嘅唱歌技巧都未能掌握，更咪讲懂得作曲、填词、玩乐器啦。
个人认为，相比今日新世代嘅歌手，一D前辈们对音乐表演同创作KIA热诚，实在远不及呢D后起之秀。时至今日，香港乐坛已经唔係赚大钱、发明星梦嘅地方，去芜存菁，反而留低一批真正钟意音乐嘅后生男女。
批评现今香港乐坛者众，但愿意耐心完整听一首新晋歌手嘅歌，用诚意认识佢哋嘅音乐创作，了解佢哋故事嘅人，又有几多？
在此，介绍一位90后嘅女歌手俾大家认识 — 林欣彤，佢係近年嘅一位新起之秀，或者佢的故事能令大家对现今嘅乐坛改观。
林欣彤(Mag)，2011入行至今已踏入第七个年头，TVB超级巨声夺冠后曾一夜成名，继而签约英皇加入乐坛。入行后，佢发过五张唱片，虽然歌唱事业发展平平，但佢一直冇放弃，立志「要以音量，去唱出铿锵」，直至近年，喜欢Mag嘅人明显多咗，支持者亦都逐渐增加。
其实Mag同大部份香港人一样，入行前只是一个普通嘅平民，屋企住大埔，一个普通嘅社区，毕业于一间普通嘅中学，成长于一个普普通通嘅四口家庭，冇嬴喺起跑线，即使生于小屋苑，仍然敢于追梦，大概冇几个亲戚朋友会谂到，佢有天会成为歌手。
「凡人没特別原素，哪里出色看不到」，以香港娱乐圈KIA标准，Mag谈唔上靓女，冇标致外型、样貌、身高，加入乐坛冇半点优势，大众对佢唱歌嘅声线亦有赞有损，好坏参半。
冇先天条件，歌唱事业嘅客观环境亦都唔太理想，时值唱片业衰退，非法下载已经唔係香港乐坛最主要嘅问题，后生仔唔再听广东歌，先至係致命伤。然而Mag决心要圆歌手KIA梦，「仍相信未来，原因很简单」，佢真係非常热爱唱歌，亦都「完全因心中有火」。
庆幸嘅係，网络时代，歌手嘅曝光已不局限于传统大众媒体，Mag参赛时演唱《A.I.N.Y. 》嘅片段被上载至YouTube，一周竟录得二百万嘅点击率，传媒随即为佢冠上「小巨肺」嘅称号。
不过，网络媒体同社交平台嘅发达既係助力，亦可以係阻力，成名后KIAMag曾引来网民大量的批评，针对佢嘅声线：「一个字都听唔到佢唱咩」、「鼻塞吗」、「净系识X嗌」……评头品足、人身攻击嘅自然更多。
好多人可能会认为「食得咸鱼抵得渴」，「腐皮」冇咩大不了，但对于一个二十岁出头，冇工作同社会经验嘅女仔嚟讲，係唔容易承受嘅事。不过佢冇气馁，反而认定「本身的用处」，视批评为进步嘅动力，好好练习咬字、发音，学琴学结佢，参与曲词的创作，装备自己迎接更多、更大嘅舞台。
小小年纪，走进成人嘅世界，面对复杂嘅娱乐圈，仿佛要「向玻璃鞋说再见」。工作压力、亲人患病同感情生活嘅挫折，令性格本来已係多愁善感嘅佢情绪崩溃，最终患上咗抑郁症，厌食暴瘦，连赖以为生嘅声带亦出问题，咁係咪代表佢入错行，拣咗唔适合自己嘅路？係咪应考虑返去当空姐，或幼稚园教师，接受平凡，活得安稳，过得冷淡？
「成长需要过程，危机估计之中」，人总係喺疑惑同跌碰中成长，患病嘅经历纵然破坏性极强，却冇完全将Mag击倒，反而令佢变得坚强，喺人生嘅低谷中认识自己，学会自强、自爱，更体会家人同朋友嘅重要，接受现实同理想之间嘅落差，除低自困嘅「金刚圈」重新企翻起身。
最终Mag决意拥抱住过去，高雅走落去，病癒后更添咗一份使命，要将自身嘅经历同人分享，用自己嘅故事同歌声传递爱同希望，鼓励灰心受伤嘅心灵，盼能成为人哋嘅光源。
佢唔习惯宣传自己，比起好多艺人，佢唔经常出专辑开演唱，偶然一两次亦都只係独孤一味唱歌，低调得令歌迷担忧。面对传媒，即使记者嚟嚟去去亦都係追问罗孝勇、抑郁症、家暴之类跟工作无关嘅问题，但佢总係大方有礼地回应。虽然Mag始终如一热爱歌唱，但拍电影、电视剧、舞台剧若可以增加知名度，有利歌唱事业，佢亦都唔会拒绝，更会视为体验人生同丰富自己情感嘅机会 。
为咗有更大自由度，作更多唔同尝试，Mag去年转为独立歌手，冇唱片公司协助下，佢尽力参与每首歌嘅制作，保持与音乐人、监制沟通，又将自己嘅故事同意念交俾填词人，期望每首歌都承载丰富嘅情感同信息。
曲风方面，为咗适应市场，Mag亦常作调整，《Little something》、《一千零一次人生》、《食物链》，至近期的《忍》都尝试走商业同大众化嘅路线，目的只係希望更多人听到佢嘅歌声。佢从不求大红大紫，只期望可以做自己喜欢嘅事，收入能够养家，就已经心满意足。
Mag由中学加入合唱团开始，到自组乐队，到参与校内外嘅歌唱比赛，再到大台得奖，踏上当歌手之路，每步都唔係计算同规划出来，有D只係「极平凡的天真」，一份单纯热爱唱歌嘅初衷，却成就一次又一次突破。
Mag坚持信念，忠于自己，不计较得失，只渴望在「一千零一次人生」中活得精彩，正如她在巨声比赛中得奖时的感言：
我真係好钟意唱歌，即使有天只能喺浴室中唱，我都会继续唱落去。
正係这份热诚，俾佢力量KIA泉源，引领佢走过这七年多崎岖不平嘅路，哪怕只係小小嘅商场Show或公司周年晚宴嘅表演，Mag都全情投入，一丝不苟咁献唱，佢每次踏台演出，从未令人失望，好多时现场嘅演绎更胜唱碟版本，更细致，更动人，更有感染力。
努力并唔保证成功，但「得不到美好，都得到美丽」，Mag常强调，追梦嘅过程比结果来得重要，只盼佢朝回望半生，唔会惊觉「回头是白卷答案未填」。
近一两年，网络上对Mag嘅批评逐渐减少，换上係一句句赞赏和支持嘅说话，乐迷开始肯定佢嘅能力。係噶，「专注乜，得到乜」，时间耐咗，付出过嘅必然被睇见，实力再加上坚持，绝对係运气以外，成功嘅重要因素。
新一代歌手中，对音乐有热诚、有想法、有实力嘅当然唔止林欣彤一个，或许佢哋因为经验同信心不足，台上嘅表现未如理想，但假以时日，嗰D青涩嘅歌手终会长大，佢哋音乐上嘅路可以走多远，就要睇乐迷给予佢哋几多机会同支持啦。
撰稿：風起了
友情链接