溫馨提示：原聲示范一段后會有空白時間是給大家跟著重復練習用的。
粵語速成1-1
今日係子明，寶珍，美美
（係：是）
家良同小燕第一日上廣東話堂，
教佢哋廣東話嘅先生----
（佢哋：他們）
陳小姐請佢哋介紹自己。
好呃，等我嚟介紹自己
（嚟：來）
我叫張子明，
你哋可以叫我阿明。
（你哋：你們）
我係上海人，
上個禮拜嚟香港。
我係李寶珍，
係台灣人，我第二次嚟香港。
第一次嚟香港，
我一句廣東第話都唔識聽
（唔識：不會）
所以我而家要學廣東話
（而家：現在）
我叫林美美，個個都叫我阿美，
我係喺美國出世嘅美籍華人。
我嘅屋企人講普通話
（屋企人：家里人）
所以我都係一句廣東話都唔識聽。
我而家住喺學校
我姓何，叫家良，佢姓黃，
叫小燕，我哋係同學，
我哋都係喺北京嚟香港讀書。
係呀，陳小姐，廣東話難唔難學呀？
（難唔難：難不難）
陳小姐，聽見話，廣東話唔易學，
（唔：不）
我哋對廣東話乜都唔知
（乜都：什么都）
唔知我哋要學幾耐呢
（幾耐：多長時間）
其實廣東話唔難學，
你哋肯學，肯講，
唔使幾耐實會學識，唔使擔心。
（唔使：不用）
喺香港唔識講廣東話唔方便
（唔識：不會）
你哋要俾心機學呀
（俾心機：用心）
我哋一定會俾心機學廣東話。
友情链接