![]()
一
六歲嗰年，我係一本書入面，見過幅好得人驚嘅圖畫，嗰本書叫做真實故事，係關於原始森林嘅，幅圖畫入面有條蟒蛇，張大咗血盆大口，吞咗一隻野獸落肚，下面就系呢幅圖畫嘅摹本。
書入面話，蟒蛇會咬都唔咬咁，將獵物成隻監生吞落肚，蟒蛇之後會飽到郁都郁唔到，然後足足瞓成六個月先至消化得曬肚裡面嘅食物。
嗰時開始，我就成日都幻想森林裏面嘅奇遇，仲成功用木顏色畫咗我人生第一幅圖畫，我叫佢做大作一號，幅畫系咁樣嘅。
![]()
我攞咗呢幅傑作俾啲大人睇，仲問佢哋我幅畫有冇嚇親佢哋。點知佢哋睇完之後竟然好冷靜噉話，：「唓，一頂帽啫，有乜咁得人驚喎?」
我幅畫明明都唔系一頂帽，而系一條大蟒蛇消化緊一隻大笨象，噉我唯有將條蟒蛇肚入面嘅情況，全部畫曬出嚟。等佢哋睇得明啲，佢地真系要畫公仔畫出腸架。我修改完之後，大作二號就誕生。
![]()
啲大人睇完之後，就索性勸我無論係蟒蛇嘅裏面定系外面都唔好畫，不如比心機讀下地理、歷史、數學、文法等等仲好喎。就係噉，六歲嗰年，我放棄咗做畫家呢個偉大嘅夢想。大作一號同埋大作二號嘅失敗，實在令我好洩氣。呢啲大人自己成日乜都唔明，係都要啲細路仔解釋呢樣，解釋嗰樣，真係令人好攰。
我唯有揀過另一份職業，而最後我去咗學揸飛機。我差唔多飛勻曬全世界。冇錯，原來地理知識，真係好用得著，我可以一眼，就分得開中國同阿里桑那州。如果夜晚飛嗰陣蕩失路，地理真系好有用。
就係噉，我人生中接觸過好多好認真嘅人。我喺大人嘅圈子裡面生活咗好耐好耐，我曾經好細心噉觀察佢地，但系噉都無改變我對佢地嘅睇法。
每當我遇到個腦袋好似比較清晰嘅大人嗰陣，我就會拎我一直保留住嘅大作一號出嚟。我想知道，佢會唔會睇得明。人但係，每次，都總系聽到啲類似「一頂帽啫」嘅答案，噉我就唔會再同佢地提起大蟒蛇呀，原始森林呀，星星呀嗰啲嘢。我唯有遷就佢地嘅水平，同佢地講下打橋牌呀、高爾夫球呀、、領呔呀之類，於是啲大人就會覺得，搵到個啱傾嘅人而好開心。
大家好, 蔡老師是香港的專業粵語老師, 教過不少來自內地和台灣的學生, 上過我面授課程的學生數以百計
我的學生從內地和台灣等地移居來香港, 都想學習香港地道的粵語 (香港人一般稱粵語叫廣東話),
我的教學, 是希望幫助他們盡快融入香港的生活, 希望他們說起話來像個香港人。
本着這個原則,我教的粵語句子, 全是香港地道的發音, 有些人可能覺得很多懶音 (如聲母nl 不分),
可是我的教學目的, 不是教標準的粵語, 而是要教說得像香港人的粵語,
(你可去看看香港的電視劇, 找找有沒有一個香港演員, 講"你" 字 是講 Nei的)
如果追求標準的粵語, 這節目可能不適合你了.
喜歡的我節目的朋友, 可以讚賞一下 ^_^
蔡老師開辦不同線上及線下粵語課程
![]()
iphone 打贊通道
![]()
友情链接