经典最流行|浪漫“对白”粤语歌

01 《留給最愛的說話》

（獨白）終於我鼓起咗最大嘅勇氣

約你出嚟 因為我想面對住你

講出我心裡面想講咗好耐嘅说话

可惜嗰個落雨嘅晚上 嗰條濕滑嘅公路

嗰個粗心大意嘅司機

令我唔可以趕到嚟呢間咖啡室

親口對你講一句："我愛你"

02 《天各一方》

（獨白）喺好耐以前 我聽過一首歌

唔知你仲記唔記得 今日你同我天各一方

你有你嘅生活 我繼續我、嘅忙碌

但係假如有一日 我哋真係喺路上偶然咁撞到

我哋會點下頭 問候一下 然後已經唔知講乜好啦

因為你會發現 我已經改變咗

正如我可能會再認識你 但係咁其實有乜關係呢

我只係知道 喺呢一刹那

我係幾咁掛住你

（獨白）其實乜嘢先至係真實恒久嘅呢？

或者我應該就咁保存呢份希冀同埋渴望

畀我相信 世上有幸福係垂手可得嘅

但係永遠喺掌握之外

有時激情抓喺手裡面會化為灰燼

反而收喺心裡面可以歷久常新

貪求思慕只因癡

一切眼淚和思憶都係徒然喈

03 《無可奉告》

(獨白）我打電話畀你

講咗幾句你就收線嘞

你變咗好多呀

點解唔同我傾落去

點解咁心不在焉嘞

點解對我咁冷淡

點解….

我講乜嘢你都冇反應嘅嘞

04《有緣的話》

（獨白）係時間上嘅巧合 定抑或係緣份嘅安排

係我最失意嘅時間 認識到你

我哋曾經有過一段好開心嘅日子

不過 真喺好抱歉 我要走啦

我諗我哋大家暫時分開一段時間

冷靜一下 考慮下

究竟我哋仲應唔 應該再係埋一齊

傻啦 唔好再難過啦!

趁住我哋大家仲喺後生嘅時候

我想去外國繼續我嘅學業

多啲充實自己 為左將來

我諗我個快擇係啱架!

如果我哋將來真係仲有緣嘅話

我……

05 《紅天灰雨》

（獨白）唔知幾時開始

我覺得自己好似漂浮喺空氣中嘅塵埃一樣

跌盪喺無數既塵埃當中 漂浮不定

我揾唔到自己嘅過去 亦都揾唔到自己既將來

我漫無目的咁向前浮游

開始覺得自己變得渺小 變得孤獨

窗前既雨仍然繼續落個不停

同以前唔同嘅 只係佢細到幾乎睇唔到

只能夠憑住佢與玻璃窗碰撞嘅聲音

先至知道佢嘅存在

當我夢醒嘅時候 窗外已經鋪滿住白茫茫嘅煙霧

隨住曙光嘅來臨 煙霧隨風飄散

琴晚嘅夜亦都消失係空氣當中