香港粤语音乐分享社

朱晨丽:当年选港姐时不会用广东话读自己名字!

看港剧 2019-03-14 13:42:43

Rebecca因為當選2011年港姐冠軍而加入無綫。(Rebecca ig載圖)


於2011年度羸得香港小姐競選冠軍而加入無綫的朱晨麗 (Rebecca) 近年備受力捧,早前更於《2017萬千星輝頒獎禮》奪得最佳女配角,今年也有多部劇集陸續上映和拍攝。最近播出的新劇《棟仁的時光》入面,在劇中擔演女二飾演莫熙蓮的Rebecca就有高難度的性感演出,表演鋼管舞,對她來說是很大的挑戰和突破。對於公司給予咁多機會,她當然開心。她出生於江蘇蘇州,當年來香港入讀演藝學院時,完全不懂得聽和講廣東話,一直好努力和用心去學習。


Rebecca為咗套劇學咗好耐鋼管舞。(Rebecca ig截圖)


近期無綫播出的新劇《棟仁的時光》晚晚都可以看見朱晨麗 ((Rebecca),為了演好劇中的角色,她苦學了幾個月鋼管舞,練到大脾內側起水泡,日日都痛到叫出來。做演員真是從來都不易,除了要應付每個不同角色的要求,出生於江蘇蘇州,來自內地的Rebecca在香港娛樂圈發展,還要好畀心機去學習廣東話。她初初來港時完全不懂廣東話,她說:「唔識聽又唔識講,我選港姐時連用廣東話講自己個名都唔識,講嘅時候成個人震晒,好驚,好緊張。我花咗好多心思去學,公司好多嚟自唔同地方人都有教我,不過有啲係教錯咗嘅。」


Rebecca也有自己搵老師學習,在家中亦有好努力咁練習,她說:「上堂讀字畀老師聽,佢會幫我逐粒糾正。自己喺屋企都有咬住隻木塞讀報紙,原來真係好難㗎,唔明啲人點解可以做到,我讀到流晒口水,流到份報紙濕晒,好核凸,所以練咗兩、三次之後我就放棄咗呢個方法喇。」Rebecca當時拍劇完全唔識讀劇本上的廣東話對白,要靠自己努力去學,她還會化身問題少女,成日捉住身邊的朋友同事來問廣東話:「好多時睇完劇本啲對白,夜晚就瞓唔着,個腦不停喺度諗,試過瞓咗但仲口up up。」


佢真係試過咬住個木塞讀報紙。(Rebecca ig載圖)


Rebecca曾經試過因為廣東話唔好,拍劇時被導演開咪話,她說:「導演唔係鬧我,佢只係開咪問我『阿女,你講咩?我完全唔明你講咩呀。』同我同劇嘅萬綺雯好好人,佢叫導演唔好咁大聲講啦,咁多人聽到,人哋女仔嚟㗎。我啲劇本全部都寫滿字標晒音。」她年初在《2017萬千星輝頒獎禮》奪得最佳女配角時,曾表示多謝無綫高層曾勵珍 (珍姐) 督促改正咬字,Rebecca憶述此事說:「嗰次係珍姐第一次叫我去佢office,我當時以為自己係咪犯咗事,原來佢係問我啲廣東話學成點,搵咗啲難發音嘅字,逐個字教我講,教咗我好耐,佢真係好好人。」