当前位置: 首页 >机型选购 >新技能get√:春节假期同学聚会扮蟹王速成指南

新技能get√:春节假期同学聚会扮蟹王速成指南

2021-07-21 03:34:45

临近春节,相信唔少同学仔已经放寒假,上班族亦都陆续散水返归摊唞。然而,各种小学、初中、高中、大学同学聚会开始浮出水面。如果净系三五知己聚会梗系他条啦,但系有啲“大杂烩”式嘅聚会,就会出现各式各样钟意扮嗮蟹嘅粉肠。

究竟应该点样handle呢种场面呢?小编逐步逐步咁教你!


对付扮嗮蟹嘅人,最好嘅方法就系陪佢哋扮,仲要扮得标青过佢哋。


1、接到邀请

一个字:忙!

当接到电话邀请你参加聚会果阵,一定要强调自己假期好短,档期full嗮,等佢留低“你好忙,分分钟几百万上落”嘅印象。话自己最早都要过年前一日先返到屋企,老死都唔承认系因为无良老板唔畀你放假要你加班!


2、形象

切忌浮夸,谨记我哋嘅宗旨系:低调得来又略显奢华!

男生set翻个干净利落嘅发型,头发最好短啲,可以唔分界就唔好分界,尽量唔染发。可以适当留须,但事先请衡量自己系咪真系需要有须。毕业三年之内,忌全身运动装、忌西装皮鞋,忌deep V开胸紧身裤!着休闲装即可。

女生衣着要有自身风格,切忌淘宝爆款、山寨名牌,亦冇必要一身穿金戴银一副土豪相,一个奢侈品嘅大logo,足可凸显你娘到爆啦。建议喺银包、围巾、香水等细节中表现出优越。


3、出行

车车车车车~~~

如果你冇车又冇牌,可以喺离聚会地点远啲嘅地方落车,行过去。到达之后,将事先喺淘宝买嘅名车锁匙圈好随意咁放喺台面,记得成套动作要一气呵成(做唔到?喺屋企事先练多几次啦!)。为咗防止朋友散场果阵要你车佢返屋企,食饭果阵要特登饮翻小小酒,然后话今日饮咗酒,唔揸得车啊,要揾代驾或者打的返去。


4、谈资

有甘大个头就笠甘大顶帽

男仔可以倾下车啊楼啊之类,但系千奇唔好开口埋口就“林宝坚尼”、“悍马”,提前搜几款适合上班一族嘅高性价比车型,背熟佢哋啲优缺点。问到你买咗咩车果阵,就话畀对方知:我惗住买某品牌嘅具体型号,不过女朋友/老婆钟意另外一只款,要再考虑下先决定。买楼同理,别墅之类嘅就同你冇拉楞嘅啦。切忌要将话题固定系自己嘅能力范围内。


女仔可以倾化妆品、服饰。咪跟风用channel、Dior、LV,拣一个小众嘅设计师品牌,对佢嘅风格特色、春款秋款了如指掌,最后出杀手锏“着衫最紧要都系要啱自己……”


5、举止

点到即止

谨记一点:参加聚会嘅整个过程中,对每一位同学都要非常有礼貌。尤其系果哋经常性畀人忽略嘅同学,要主动同人哋倾计,赞美他人,但系千奇唔好讲太多。“狂妄”系低级扮蟹王最常见嘅表现形式,既然你想扮一铺high level 过佢哋嘅蟹,咁就要学识反其道而行之。因为“有钱冇咩咁巴闭,但系有礼貌、识得尊重人就一定系巴q咁闭。”


6、唱k

走音唔洗两头腾,英文蒙混拿晒分

千奇咪点我的滑板鞋、最炫民族风、小苹果呢啲low爆成条村嘅歌,简直系拉低自己档次。去之前先空出时间嚟练好几首大气嘅英文歌或者系其他外文歌曲,现场演唱顿时高端大气上档次,保证大家对你改观,呢个时候,就算走音,人地都听唔出啦!


7、手机
若要人地知,适当矜持啲

男仔可以将手机放系台面,揾一张清新自然嘅靓女生活照设成屏保,手机不经意间响起果阵,你就可以对果啲好奇嘅眼光轻描淡写咁讲,我女朋友。如果一再畀人追问,呢个时候你记得要举杯讲翻句,“难得出来聚,今日唔讲女人!”


女仔,可以用另外一个套路,同一个男性朋友夹好,聚会进行中打畀你,你要冷静咁答佢:“我哋冇可能嘅嘞,你以后唔好再同我讲呢哋好冇……你有车有楼又点啊?唔啱key就系唔啱key,you are not my cup of tea”


8、讲工作

讲得出色,做得招积


9、吹电影

有准备,则有见地

背好惯用词汇:街坊、自由、跨掉、迷茫、摇滚、伯克利、公路、一代人、游离、伦理、突破、黑暗、人性、青春、追求、知己等等,包你成个资深影评人咁。


10、埋单

避得就避,拖得就拖

餐后埋单嘅就餐后去厕所,遇到餐前埋单嘅就餐前去厕所。如果好难估计时间或者估计错误,你无论如何都要扮出一款要争住埋单嘅样。建议参考左手攞右边银包嘅做法,咁骑呢嘅姿势,等攞出个银包嚟,朋友一早就埋好单嘞。


当然,如果你睇唔惯某哋粉肠扮蟹叻过你,你亦可以喺埋单果阵优雅咁递张单畀佢。


同学聚会篇小编就教到呢度呐!预祝大家扮蟹顺利,一举夺得同学会扮蟹王称号!



-广古封:识讲古仔嘅利是封-

羊城网荣誉出品,以六个有趣吉利嘅粤语俚语作主题,手机扫描背面二维码,马上听到由广州最爆趣嘅主持人精精灵灵少爷明以最地道嘅粤语向您娓娓道来广府人嘅精彩故事。



合作代理:请联系微信号xiaoyu136097。


门店销售:

越秀区:文明路65号市一宫天程铜艺 禺山路24号第一腩

海珠区:阅江西路222号广州塔纪念品商店

荔湾区:恩宁路138号天程铜艺、恩宁路200号铜城轩

天河区:员村四横路128号红专厂D1-f广州有文化

从化区:江浦欣荣宏国际商贸城A栋113-11铺香港湾仔茶餐厅


淘宝订购:官方推荐店铺“我们的陈小糖”(网店地址: http://t.cn/RZlGthd)。


微店订购:请直接点击【阅读原文】进入微店。

Copyright © 2023 All Rights Reserved 版权所有 香港粤语音乐分享社