当前位置: 首页 >机型选购 >香港影帝张家辉十大经典戏

香港影帝张家辉十大经典戏

2020-09-18 00:41:19


入行至今已29年嘅张家辉,先后涉猎过歌影视三个范畴,而要数最成功嘅必然係电影圈。虽然今年佢因为搞笑港普被人戏称「渣渣辉」,但即将推出第3部个人执导嘅电影《低压槽》,能够走到今日得来不易。早年凭《激战》贱辉一角夺得香港电影金像奖最佳男主角嘅张家辉,正式登上第二个事业高峰。



被行内人定格为本地出色嘅沉郁型正剧男演员嘅张家辉,近10年嘅戏路大部分都係警匪动作片。不过,对一众80、90后而言,最经典嘅张家辉电影,绝非得奖电影《证人》或者《大事件》、《激战》,而係张家辉九十年代成名嘅一系列喜剧类电影,就连金句「x你个x!亚视嚟嘅喂!」都係嚟自当年嘅经典角色「化骨龙」。



随住张家辉近年升上神台成为影帝,有网民就开始讨论,到底张家辉入行以嚟,最经典嘅电影係边一部?以下十部被网民列为张家辉最经典嘅十部电影,相信大家冇睇过都应该听过。 




第10位:《大事件》 


《大事件》係本地警匪片大师杜琪峯嘅经典作品,亦係张家辉入行29年其中一个最关键嘅抉捩点,而杜sir亦算係家辉嘅演戏路上一盏明灯。呢部2004年上映嘅电影,喺之前佢仍然未脱离喜剧路线,而《大事件》中嘅张志恒一角就成为咗家辉第一个成功嘅正剧角色。,超级火爆,同陈慧琳饰演嘅Madam Fong并肩作战,张家辉演出嘅呢个角色,效果令人惊艳,更开启咗佢嘅警匪片影帝之路。 




第9位:《》 


睇过2005年电影《》嘅影迷,大部分都只记得主演嘅任达华或者梁家辉,毕竟係饰演话事人,而张家辉喺戏中只係饰演一名手下,亦即係二流古惑仔;不过其中一场戏——饰演大佬嘅梁家辉要张家辉饰演嘅飞机食汤匙,佢二话不说一手揉碎汤匙一口口吞落个肚,呢场戏可谓全片其中最得惊人嘅一幕,进一步奠定张家辉嘅演技。 




第8位:《证人》 


拍完2006年嘅《以和为贵》后,其实张家辉喺2007年至2008年期间仍然处于浮浮沉沉嘅阶段,仍未确立演技派地位,直至2008年底上映嘅《证人》,张家辉先至被普遍人认定为一个真正嘅演技派演员。戏中饰演洪荊嘅佢,係一名患眼疾嘅过气拳手,一边照顾植物人妻子,一边为做事。呢个悲剧角色令家辉首次夺得香港电影金像奖最佳男主角殊荣,登上事业高峰。 




第7位:《盂兰神功》 


如果以演技嚟睇,《盂兰神功》绝对唔係张家辉最强演技之作,甚至係完全冇入榜,不过对于张家辉而言,《盂兰》绝对係佢人生嘅另一个转捩点。事关呢部电影係佢首次执导作品,票房成绩虽然唔算好好,但以首次执导嘅水准嚟睇,都算係一部值得入场欣赏而且好有心嘅港产电影。 




第6位:《激战》 


无可否认,《激战》的确係张家辉入行二十多年之演技大成,其戏中角色贱辉带有佢过去演过嘅角色影子,包含咗化骨龙嘅无赖,张志恒嘅火爆,洪莉嘅悲情……而更令人惊讶嘅係,张家辉练成咗一副入行二十多年从未有过嘅「大只佬」身型,正如佢所讲,如果咁都攞唔到影帝,真係要「打跛对脚演跛豪先得啦」! 




第5位:《中华赌侠》 


嚟到五强便要先退一退带,返到2000年之前。2000年时嘅张家辉仍係本地喜剧电影嘅中坚分子,挟着化骨龙之名,佢喺九十年代末仍然演出咗多部经典喜剧电影,其中一部就係《中华赌侠》。戏中嘅佢饰演嘅角色名叫泽西,电影讲述泽西自认係一流嘅赌场骗子,但係佢同女友出游时却遇上真正嘅高手古天乐,佢喺戏中同chok爆古天乐有极多对手戏,充分发挥其喜剧细胞,喺型到爆嘅古仔身边不断搞怪,为电影带嚟出色嘅喜剧元素。 




第4位:《流氓师表》 


《流氓师表》中由张家辉饰演嘅「张sir」张英,绝对係家辉经典角色之一。喺戏中本来係烂仔嘅佢,因为旧同学蒙嘉慧一个电话而到学校教书,全片两条故事线之一,係佢如何教导一班坏学生成「材」,带佢哋去旺角观摩老翻档,睇人卖四仔,妙趣横生,经典对白多到数唔嗮;而另一条线则讲述佢同蒙嘉慧饰演嘅卢媚如何成为情人,呢部电影喺当年仅收约87万港元票房,可话係一部烂片,但戏中嘅张家辉的确将其喜剧天份发挥得淋漓尽致。 




第3位:《黑马王子》 


虽然近年王晶烂片越来越多,但张家辉嘅喜剧之路,佢可以话係功臣之一。1999年嘅《黑马王子》中,张家辉同刘德华再度合作,戏中又係饰演二流古惑仔嘅佢,名叫葡挞,同戏中嘅刘德华齐齐演古惑仔,但两人唔同嘅係,张家辉係刘德华饰演嘅华Dee嘅下靶,刘德华追李嘉欣饰演嘅薄冰,而佢则同好女人关秀媚饰演嘅沙律一Pair,而全片最好笑嘅,相信就係张家辉同刘德华同叶德娴嘅对手戏,虽然低俗,但的确好笑。




第2位:《化骨龙与千年虫》 


呢部超经典港产电影,相信唔少人睇过,係张家辉「化骨龙三部曲」的最后一部电影。戏中嘅佢又係一名古惑仔,不过佢嘅上靶拍档就换成咗带家辉入行嘅李修贤,两人喺戏中极有火花,一个係警察,一个係无赖兼烂赌嘅古惑仔,前者叫李竹松,后者叫史伐龙,两个人由死对头变好友,笑料百出;而且张家辉同喺戏中饰演其母嘅罗兰又默契十足,单係电影初段弄假车牌一幕已经笑爆嘴,係一部永恒嘅喜剧烂片。 




第1位:《赌侠1999》 


化骨龙嘅首次登场就係由王晶编导嘅《赌侠1999》,戏中嘅佢饰演「阿King」刘德华嘅忠实粉丝,不但接佢出狱,后来更同佢一同出入赌局,成为佢嘅得力助手。



此片之所以成为张家辉最经典之作,除咗因为化骨龙一角初现银幕,亦因为戏中其中幕,张家辉本来打算用器材干扰赌场内嘅电视讯号,令场内的电视转播变成佢预先准备好嘅假片段,点知居然接错线,令佢嘅手提电脑出现咗亚视嘅片段,令佢道出风行20年的金句「x你个x!亚视嚟嘅喂!」,成为经典。


撰稿:林穎嵐

粤语翻译:DD



我们的粤语,正在消失

如果你热爱粤语

请转发

多一个人转发,多一分力量



Copyright © 2023 All Rights Reserved 版权所有 香港粤语音乐分享社