当前位置: 首页 >机型选购 >广东女仔十大口头禅!唔识就大镬啦 ~

广东女仔十大口头禅!唔识就大镬啦 ~

2020-12-30 23:15:25


粤语本身就唔易明,加上广东女仔一向“口是心非”,广大男同胞想真正听得明,的确唔容易。


今日,送上《广东女仔的十大口头禅》,并逐句分析背后既真实意义,希望帮到你地啦!

↓↓↓↓↓↓↓↓↓

1
“等阵”

危险指数:★

话就话一阵,分分钟等几粒钟。当然“等阵”究竟要等几耐,要具体情况具体分析,如果女仔化紧妆,咁真系恭喜你啦,有大把时间挥霍,食翻个点心都仲得;如果女仔叫你等阵去接佢,我建议你马上就去啦。


2
“靓仔”

危险指数:★★

当佢说靓仔,唔使激动,亦唔使晕低,纯粹只系人地有事相求,阿姨一句靓仔,可能叫你帮衬买野,靓女一句靓仔可能只系问路。总之,如果你行紧街,特然有听度有人叫你靓仔,千奇唔好以为自己系男神,小心会出事吖。


3
“嗯,好啊”

危险指数:★★★

听到呢句说话,你以为女仔终于认错,咁你就太天真啦。佢只系费事再同你讲,如果你想相安无事,快D认错啦。


4
“麻麻地”

危险指数:★★★

一句“麻麻地”,有著两种截然相反噶意思。如果形容自己,通常都只系谦虚,话唔埋大有来头,根本唔系麻麻地,但点都好,赞翻一句“好劲喔”,实无错。如果“麻麻地”系形容其他人或事,咁即系话女仔唔多like,最好改下啦。


5
“唔系啩”

危险指数:★★★

“梗系唔系啦!”经过反复验证,只有咁答先能够避免受到进一步噶伤害。 


6
“你中意啦”

危险指数:★★★★

呢句说话一出,就表明女仔无眼睇,由你话事。但唔好以为咁就好爽,呢句说话暗含噶杀伤力分分钟出乎你意料,一旦你选择错,你就要咩晒飞。


7
“你话嘎”

危险指数:★★★★

一旦女仔讲呢句话,无论你讲过D咩,都要保证做到,想出尔反尔?霖你都唔好霖啊!


8
“是但啦”

危险指数:★★★★

有时候是但,就意味著随便,由你话事。但事实上又系唔系由你话事呢?女仔口讲就话“是但”,不过心底已经早有选择。呢个时候,广大男同胞就要认真捉摸女方心思,一旦古错,分分钟形象插水,后果严重。


9
“你讲咩话?!”


危险指数:★★★★

当女仔大大声讲呢句说话,就表明你讲噶说话已经激嫐佢啦。声音越大,音调越高,你就越危险!最好噶解决办法就系马上讲翻句“我讲笑姐”,否则后果自负。


10
“我无野吖”


危险指数:★★★★★

如果你真系信,咁就真系大锅啦。女仔讲无野,其实系想你关心同锡翻佢,尤其当你激嫐佢个阵,你以为真系可以当无事发生过啊?嗱嗱声氹翻人地啦。如果女仔连续讲“我无野吖”,小心爆发大规模冷战。


如果你唔想无端端激嫐广东女仔都仲唔知发生咩事,就谨记以上攻略啦!


(声明:部分图文素材来源网络,版权归原作者所有)


有嘢
粤人请关注微信号:
onyeahcom
【↑长按复制】










Copyright © 2023 All Rights Reserved 版权所有 香港粤语音乐分享社