〔恩典365〕超越道理嘅爱/2016.09.20(广东话)

喺约拿书，我哋见到，呢个人佢最后陷到一个低潮入面，嗰个低潮系佢同神闹脾气，嗰个低潮已经超越咗尼尼微点啊，系佢同神之间有一个好大嘅落差，佢喺同主讲理，佢觉得你冇道理吖。我唔去，你一定要叫我去，用咁多嘅方法，我飞你，将我攞返嚟，将我摆喺鱼肚里便，你迫我，等我要不得不顺服你。我顺服你之后，结果，你又唔听个你讲嘅做，你畀我觉得好冇面，佢觉得，佢好有道理同神嬲。

喺约拿书嘅第四章里面，神几次问约拿话，你噉发脾气合乎理咩？有道理吗？约拿点话呢？约拿讲，我就系发嬲到死都有理，我觉得我好有道理，我就系有理。呢个真系一件好得意嘅嘢，约拿觉得佢好有理。但系你知道，我觉得我哋华人最识呢个道理，我哋华人成日讲话，公说公有理，婆说婆有理。讲理呢件事，成日系冇一个统一嘅标准嘅，因为劳资嘅冲突，劳方有劳方嘅理，资方有资方嘅理。夫妻两个人嗌交，老公有老公立场谂吓，太太有太太立场谂吓，每个人都有唔同立场谂吓，企喺我立场嘅时候，我就会架构一个我嘅路，我嘅理。

我喺读书嗰阵成日钟意辩论，参加辩论比赛，辩论比赛系一件好得意嘅事情，因为你要不断嘅巩固自己嘅理论基础，然后攻破对方嗰个痛脚。但系其实呢个题目可以攞嚟辩论，系因为两方一定都有道理嘅。如果得一方有道理无咩好辩嘅，都系两方各有各立场谂吓，各有各立论。我喺接受训练嘅时候，我哋一个学长训练我哋，我觉得好得意，佢畀我哋三个三个一组，呢个题目，呢三个人去准备正方，呢三个人去准备反方。我哋就搏命准备，正方用咩立场谂，吓反方用咩立场谂吓，大家各自准备各自嘅，然后下个礼拜嚟辩论。

但系喺开始辩论前五分钟，佢突然间讲反过来，你哋准备正方嘅，听暇你哋变反方，你哋反过来变正方，我哋就乱啦。因为我哋都系谂正方嘅立论，而家叫我讲反方，点算好呢？要快啲揾快啲揾，嗰阵时好有趣味哦，但系辩论完之后，学长话畀我哋讲，我就系要叫你哋学一个功课，任何一件事，喺人世间嘅道理，都系两方面各有立场嘅，你唔好以为我将我正方嘅理论都准备得好巩固，所以非赢唔可，你冇去谂，其实佢都有佢道理吖。哗！噉我系一个好深嘅学习。

我阿爸晚年嗰阵成日讲一篇信息，佢话基督徒要行出善恶树，入到生命树。善恶树系乜嘢呢？就系是非，善恶是非对错。讲基督徒要喺是非对错里面出嚟，入到生命树里面，生命树系讲爱。噉咪话，成为一个基督徒，就唔讲道理，而系爱超越道理，最冇道理嘅事系咩？无罪嘅，为你我钉死喺圣十字架上，我哋享受噉超越道理嘅爱，喺生活里面，使唔使一齐嚟学，行出善恶树进入生命树。唔系唔讲道理，而系你一定要认，人人都有自己嘅理。

我哋一齐嚟祷告：主丫，我求吓你帮助我哋，等我哋唔系喺是非善恶里面打圈圈，而系用爱超越啲人嘅逻辑思想入面嘅是非善恶，用爱嚟代替遮掩好多嘅对错是非。主丫，我求吓你帮助我哋，行喺爱入面，呢个系我哋嘅祷告，奉主嘅名求，阿们！基督徒，行出善恶树，入到生命树，行出是是非非，非要辩嘅你死我活，你赢我输，而进入到爱里面，愿主嘅爱充满喺我哋中间。

经文：神对约拿话：“你喺呢棵蓖麻发嬲合乎理咩？”佢话：“我扯晒火以致于死，都合乎理！”  

 •约拿书4章9节