当前位置: 首页 >最新资讯 >粤语小说聆聽:小王子2 (重发附音频)

粤语小说聆聽:小王子2 (重发附音频)

2020-11-13 20:07:03




 

然後,我好孤獨噉生活落去,又冇傾得埋嘅朋友。一直到六年前,我揸飛機嗰陣,因為故障被迫降落喺撒哈拉沙漠,當時部飛機嘅引擎出現咗問題,但又冇機械技師或者其他乘客同我一齊,我唯有試下自己一個人搞掂佢。對我嚟講,呢個係生死存亡嘅關頭,因為我帶嘅水只係夠我飲八日。

 

喺第一晚,我就瞓喺嗰個渺無人煙嘅大沙漠度。甚至可以話,比起喺大海中心捉住浮木嘅遇難者仲孤獨。所以,你可以想像下,第二朝我幾咁驚呀。天一光,竟然有把聲叫醒我,陰聲細氣噉講:

「唔該,幫我畫隻羊仔吖。」

「咩話?」

「幫我畫只綿羊仔吖。」

 

我嚇咗一跳,好似俾雷劈中咁成個彈起。我捽一捽對眼,四圍望下,竟然發現有個好奇怪嘅細路仔,好認真噉望實我。呢幅畫就系我畫佢嘅畫之中,畫得最好嘅一幅。

 

但係,我幅畫同佢真人仲係差好遠。不過,呢個並唔係我嘅錯,六歲嗰陣啲大人令我放棄咗做畫家,所以除咗打開肚皮同合埋肚皮嘅蟒蛇之外,我乜都唔識畫。

 

我好驚奇咁碌大對眼,睇清楚呢個失驚無神出現嘅細路仔。我嗰陣系喺一個山卡啦咁遠,連鬼影都冇隻嘅地方。呢個細路仔俾我嘅印象,既唔似蕩失路,又一啲都唔似攰,唔似頸渴,又唔驚喎。點睇佢都唔會喺個無人煙嘅沙漠度蕩失路嘅細路仔。我定一定神,魂魄返曬嚟之後,就問佢:

「喂,你喺度做乜呀?」

 

但系佢只系好似講緊啲好重要嘅嘢噉,又慢慢重複多次。

 

「唔該幫我畫隻綿羊仔吖。」

 

當整件事太撲朔迷離嘅時候,原來人系唔會夠膽反抗。喺呢個遠離人煙嘅沙漠度,雖然我越嚟越接近死亡,但我竟然都聽佢話,拎張紙同埋枝鋼筆出嚟。

 

 

不過我又突然間醒起,我喺學校淨系學過地理、歷史、數學同埋文法,所以就躁躁地噉同細路仔講,其實我唔識畫畫。

 

佢鼓勵我話:

 

「唔緊要,幫我畫隻綿羊仔就得架啦。」

 

由於我從來都冇畫過羊,所以將我唯一識畫嘅兩幅畫其中一幅畫咗俾佢,就係嗰條從外面睇嘅大蟒蛇。點知我估都估唔到佢竟然噉答我:

 

「唔要唔要。我唔要一條吞咗隻大笨象嘅蟒蛇。大蟒蛇太危險啦,大笨象又掗拃。我住嗰度啲嘢全部都好細架咋,我只係要隻綿羊仔,你幫我畫隻綿羊啦。」

 

 噉我就幫佢畫啦。

 

佢好專心噉研究咗幅畫一陣,就話:

 

「我唔要,呢隻綿羊病得咁犀利,重新畫過隻啦。」

 

於是我又畫過另一隻。

 

今次我呢個朋友仔陰陰嘴噉喺度笑:

 

「你睇真啲,你畫呢一隻唔係綿羊仔,喺山羊嚟架,佢有角架。」

 

我唯有重新畫多次。

 

但系哩幅畫嘅命運都系一樣,又俾佢拒絕

呢一隻太老啦,我要一隻襟養啲嘅。

 

去到呢度我已經好唔耐煩,因為我趕住要修理我部引擎,就求其畫咗下面呢幅圖。

 

仲加多句,「嗱!呢個箱入面就系你要嘅綿羊仔啦。」

 

點知完全冇諗過,呢個小判官竟然雙眼發光噉話:

「我就系要呢隻啦,你估下呢隻羊使唔使食好多草吖嗱?」

 

「點解噉問啊?」

 

「因為我住嗰度好細架。」

 

「哦,一定夠啦,我俾你呢隻綿羊仔都好細隻架咋。」

 

佢哄埋幅畫度望咗陣,就話:

 

「都唔系你講得咁細,你睇下,佢訓著咗喎。」

 

就係噉,我認識咗小王子。



大家好蔡老師是香港的專業粵語老師教過不少來自內地和台灣的學生上過我面授課程的學生數以百計

我的學生從內地和台灣等地移居來香港都想學習香港地道的粵語 (香港人一般稱粵語叫廣東話),

我的教學是希望幫助他們盡快融入香港的生活希望他們說起話來像個香港人。

本着這個原則,我教的粵語句子全是香港地道的發音有些人可能覺得很多懶音 (如聲母nl 不分),

 可是我的教學目的不是教標準的粵語而是要教說得像香港人的粵語,

(你可去看看香港的電視劇找找有沒有一個香港演員" 是講 Nei)

如果追求標準的粵語這節目可能不適合你了

喜歡的我節目的朋友, 可以讚賞一下 ^_^






蔡老師開辦不同線上及線下粵語課程


iphone 打贊通道



Copyright © 2023 All Rights Reserved 版权所有 香港粤语音乐分享社