当前位置: 首页 >最新资讯 >广州人在广州,说粤语是需要教材的,可笑嘅系广州粤语文化需要用教材来传承?

广州人在广州,说粤语是需要教材的,可笑嘅系广州粤语文化需要用教材来传承?

2021-07-09 04:11:47


粤语,俗称白话

又作广东话、广府话

粤语自秦朝至今,约有2200多年历史

唔单止係语言更係包含广府丰富文化



广州係一个包容性好强同好开放嘅城市

经过各种外来文化嘅冲击

所以涌现咗好多讲普通话同自身家乡话

“新广州人”

令到粤语慢慢咁开始消失

为咗保护粤语文化流失,更好咁传承落去

2017年五羊小学推出咗

广州第一本校本粤语教材《粤读羊城》


使用深入浅出嘅方式

从粤语简单用语、童谣、故事、粤剧等方面

通过教授、游戏、练习方式

令到无论本地学生或係新广州人学生

更深入了解粤语


《粤读羊城》

係一本具有标志性意义嘅小学校本粤语教材

踏出咗基础教育中

粤语教学可贵与重要嘅一步


呢本《粤读羊城》教材的确係好

起码令到人从小朋友开始学习粤语了解粤语

知道粤语文化背后嘅博大精深

係属于广州人最熟悉而独特嘅语言


but讲开又讲

宜家粤语文化需要用教材来传承粤语?

小编觉得生在广州应该从细就识讲

而唔係需要学英语咁慢慢学

但现实并非如此


好多小朋友翻学讲普通话

老师上课必须要讲普通话

即使翻到屋企明明自细讲粤语嘅家长

对于自己小朋友家长都係讲普通话

可以理解想小朋友学好普通话嘅心情

但係粤语咧?

作为广州人嘅母语都未学好

点学好普通话咧?


记得以前读书时候

除咗语文老师,其他老师全部都係用粤语教学

无时无刻都係度学习紧粤语

身边嗰嗰都係讲粤语

咁样嘅大环境点会有人唔识讲?


广州包容好多“新广州人”来广州揾钱

所以有外来语言文化冲击

好多人都话宜家广州变成新广州人围城

好多时外来语言比粤语仲多


出街唔讲普通话都唔明白你up乜

讲真

新广州人既然来到广州

多多少少都应该学习下讲翻两句吧

入乡随俗”呢句话大家都知道

咁来到发展係咪应该跟翻我地嘅语言

仲同我地讲“请说普通话”

小编想讲句“呢度广州来噶,讲翻粤语唔该”


作为广州人

一直都都觉得粤语係全世界最好听嘅语言

咁多好听好粤语歌,盏鬼嘅歇后语

但宜家新一代广州人

好多人都根本唔知有啲乜啦~


去到其他国家或城市

好多人都会话粤语好斯文好温柔好好听

其他人都觉得粤语咁好

点解反而我地自己唔去发扬传承?


我地唔反对普通话

作为我地广州母语“粤语”更应该支持

咁好听嘅语言

唔应该俾佢一直流失

作为讲粤语嘅我地

就应该一起来传承支持粤语



Copyright © 2023 All Rights Reserved 版权所有 香港粤语音乐分享社