当前位置: 首页 >最新资讯 >广州人细个朗朗上口嘅粤语童谣,“氹氹转,菊花园”~你仲记得几多?

广州人细个朗朗上口嘅粤语童谣,“氹氹转,菊花园”~你仲记得几多?

2023-05-25 17:04:50


有冇发现一个规律:

广州长大嘅朋友仔

每当见到有人翘住手转圈,就会习惯性哼出

氹氹转—菊花园—炒米饼—糯米圆—”

用四个字概括起身就係

潜移默化!

对于好多广州人来讲

欢乐嘅童年一定唔少得呢D朗朗上口嘅童谣

《月光光》《肥仔个头》《鸡公仔》……

呢D陪伴我地成长嘅粤语童谣

你仲记得几多?

鸡公仔

鸡公仔,尾弯弯,做人呢点可以怕艰难

清早起床要返学去,执齐啲书本啊上学堂

一分耕耘自有一分收获

懒惰去做人呀,又点会有所成啊!

鸡公仔,尾婆娑,三岁嘅孩童学唱歌

阿哥佢听教咯,妈就开心哂咯

阿哥佢唔听话,妈就唔安乐

噢……

鸡公仔,尾弯弯,做人呢当然要有精神

清早起床有好习惯,经常都温书啊要学勤

一分耕耘自有一分收获

懒惰去做人呀,又点会有所成啊!

《鸡公仔》有好多版本嘅歌词,唔同时期就有唔同嘅“鸡公仔”:最早嘅“鸡公仔”歌词反映嘅係旧时粤地女子旧婚俗嘅陋习(张德兰版本);多数广州人印象中嘅就係当代作品,教育细路仔勤奋听教(上文文字歌词)。


月光光
月光光,照地堂,虾仔你乖乖瞓落床。
听朝阿妈要赶插秧咯,阿爷睇牛要上山坡。
哦哦哦……
虾仔你快高长大咯,帮手阿爷去睇牛羊。
哦哦哦……
月光光,照地堂,虾仔你乖乖瞓落床。
听朝阿妈要捕鱼虾咯,阿嫲织网要织到天光。
哦哦哦……
虾仔你快高长大咯,撑艇撒网就更在行。
哦哦哦……  
月光光,照地堂,虾仔你乖乖瞓落床。
虾仔你快啲咪埋眼咯,一觉瞓到大天光。
哦哦哦……
印象中阿妈都会唱呢首歌氹我地训教,係属于广州人嘅摇篮曲。

年卅晚,摘槟榔
月光光,照地堂,年卅晚,摘槟榔
槟榔香,切紫姜,紫姜辣,买胡达
胡达苦,买猪肚,猪肚肥,买牛皮
牛皮薄, 买菱角,菱角尖,买马鞭
马鞭长,顶屋梁,屋梁高,买张刀
刀切菜,买箩盖,箩盖圆,买条船
船沉底,浸死呢班大懒鬼!  
一个浮头,一个沉底
一个躲系门角落,一个钻入床下底
仲有一个随街去,卖去油炸鬼!
朗朗上口,记得上句一定记得下句,以前啊嫲最中意唱呢首歌来氹孙。


凼凼转,菊花园
凼凼转,菊花园,炒米饼,糯米团
阿妈叫我去睇龙船
我唔睇,我要睇鸡仔
鸡仔大,拎去卖
卖得几多钱?卖得几多只啊?
我有只风车仔,佢转得好好睇
睇佢凼凼转,菊花园
睇佢凼凼转啊凼凼转又转
睇龙船,炒米饼,糯米团,呢D就係印象中嘅端午节。但係小朋友就宁愿睇鸡仔都唔去凑热闹,就係我地嘅童年。

落雨大
落雨大,水浸街
阿哥担柴上街卖
阿嫂出街着花鞋
花鞋花袜花腰带
珍珠蝴蝶两边排
几乎每个小朋友都识唱嘅广府童谣,以前每逢水浸街,一定担住遮出街玩水,玩到成身都湿晒,落雨真係无咩好惊。


肥仔个头

肥仔个头,大过五层楼

肥仔只手,细过荷兰豆

肥仔个PET PET屙豆豆

最中意用呢首歌来唱班入面嘅肥仔。

何家公鸡何家猜


真怪诞啊又有趣,你望望公园里,

有四百只鸡鸡咯咯咯,是何家的不知道
何家公鸡何家猜,何家小鸡何家猜
何加公鸡何家猜,何家母鸡咯咯咯
猴子哥哥熊先生,松鼠妹妹牛叔叔

黄狗爸爸羊妈妈,来猜来猜哟


排排坐,吃果果

排排坐,吃果果

你一个来我一个,大家快乐笑呵呵
弟弟妹妹哟,请你快些来。
我地排排坐,吃果果
我地排排坐,笑呵呵
梨子鲜甜苹果又大个
橙子金黄最好吃是菠萝
香蕉葡提荔枝龙眼靓
蜜瓜清润我请你共尝
我地排排坐,吃果果

你一个来我一个,大家快乐笑呵呵

一支竹仔

一支竹仔会易折弯,几支竹一扎断折难。

心坚智毅勇敢,团结方可有力量。
嘿!
大众合作不分散,千斤一摊亦当闲。
齐共同力无猜忌,一切都好顺利。
好!
花虽好要有叶满枝,月虽皎洁有未满时。

孤掌莫持倚,团结方可干大事。

除咗以上可以唱成歌仔嘅童谣

仲有好多简短但係同样朗朗上口嘅

粤语童谣

简单好记,节奏性强

你又记唔记得?


☀大笨象,揸支枪


大笨象,揸支枪

去打仗,打完仗

返嚟食碗辣椒酱

隔篱屋企烧炮仗

问你响唔响

唔响升你两巴掌

肥佬肥揗揗


肥佬肥揗揗

买舊猪肉去拜神

行到半路屎窟痕

返到屋企瓜老衬

点虫虫


点虫虫,虫虫飞,飞到荔枝基。

荔枝熟,摘满屋,屋满红,

伴住个细蚊公。

猜呈寻


呈寻剪,呈寻包

呈寻糯米叉烧包

老鼠唔食炸药包

执到粮票买面包

嗳姑乖,嗳姑大


嗳姑乖,嗳姑大,

嗳大个姑仔嫁后街。

后街有鲜鱼鲜肉卖,

又有红皮屐仔绣花鞋。

又有鲜花戴,

戴又戴唔晒,

丢落床头畀老鼠拉。

一拉拉到大新街。

大人执到笑眯眯,

细路执到当银牌。

打开蚊帐


打开蚊帐,打开蚊帐,

有只蚊,有只蚊,

快啲攞把扇嚟,快啲攞把扇嚟,

泼走佢,泼走佢。

打开蚊帐,打开蚊帐,

有只猫,有只猫,

快啲攞支竹嚟,快啲攞支竹嚟,

吓走佢,吓走佢。

卖懒


(一)

卖懒,卖懒,

卖到年卅晚,

人懒我唔懒。


(二)

卖懒,卖懒,卖到年卅晚;

卖穷,卖穷,卖畀猪婆龙;

卖衰,卖衰,卖畀大头龟。

河边有只羊


河边有只羊,羊边有只象

象边有只马骝精,好似你咁样
马骝精,马骝精,喜欢扎扎跳

又爬树,又落地,天天欢嬉戏
路边有只牛,牛边有只雀

雀边有只小青蛙,好似佢咁样
小青蛙,小青蛙,喜欢扎扎跳

扎扎跳,跳跳跳 ,天天欢嬉戏

☀咕碌咕碌☀


咕碌咕碌一

咕碌咕碌二

咕碌咕碌三

准备开炮打敌人!

☀点指兵兵☀


点指兵兵,点着谁人做大兵

点指贼贼,点着谁人做大贼

果阵时仲未识Twins

果阵时TFboys仲未出世

呢D童谣就係我地童年最好听嘅流行曲

你细个仲听过边D粤语童谣

留言讲俾小编知啦!!


特别声明!本文中的图片来自网络,版权归原创者所有!感谢作者分享,如有侵权,请通知删除!】

Copyright © 2023 All Rights Reserved 版权所有 香港粤语音乐分享社