粤语＂拍拖＂有好多种姿势[害羞],这些恋爱＂暗号＂你知几多?

喺粤语入边，关于“谈恋爱”嘅词都好有地方特色， “开放”得来又不乏含蓄，非常有意思！

“拍拖”好多人都知系咩意思，但唔知佢点来，其实依个词同昔日珠江航运嘅客船——花尾艔有好大关系。花尾艔本身系没动力嘅，要靠“火船仔”（一种烧煤嘅蒸汽机拖船）通过一条几十米长嘅绳缆拖住来行，所以搭乘喺花尾艔都几写意咖，又稳又没噪音。

如果遇到风浪或离靠码头时，拖行不便，火船仔就同花尾艔并排拖行，叫做“拍拖”。拍就系“拍埋去”，拖就是“拖住行”，用依种方式比喻恋爱中嘅男女，并排靠埋，拉住手仔，一齐行，既形象又贴切。

“晒月光”个词都几得意，描述情侣夜晚喺户外花前月下嘅幽会活动，够晒浪漫。

“打雾水”，比“晒月光”仲露骨，描述情侣晚黑户外幽会至通宵达旦，搞到啲衫俾清晨嘅露水打湿晒。

“掹草”，字面义系“拔草”，用喺恋爱语境中，指情侣到公园或郊野幽会。点解要“掹草”？你惗下了，情到浓时啲女仔会怕丑嘅嘛，意乱情迷时只手唔知放边好，公园最多草咖喇，咪就地取材掹下身边啲草咯，以此掩饰自己嘅尴尬。

依个哥哥仔系咪好淳朴？佢来自天津，系一个粤语死忠粉，喺天津日日都追珠江频道。佢对粤语好狂热，狂热到仲有几个月就高考了，都要千里迢迢过来广州参加《粤讲越掂》！

虽然佢系个素人，但真系好有吉士！一个可以话未见过大场面嘅学生仔，要用自学嘅粤语挑战在场咁多明星嘉宾，小编都要比个“服”字佢！

睇得出佢开头都几紧张，分数一路垫底。但“咸鱼哥”最后来佐个绝地反击，居然反败为胜，最后赢佐“掂过碌蔗”嘅殊荣翻天津。真系应佐星航哥句话“只要你有心，做么都可以成功！”

本期两位女嘉宾可谓电力十足☟☟☟

美艳女神钟思华同知性女神李露，边个更胜一筹？

虽然有两大女神坐镇，但作为考官嘅阮兆祥都不甘示弱，亲身示范港女女神两大放电法宝…

有女神点少得男神，美籍华人歌手于天龙，一首暖心情歌听到观众如痴如醉。想感受情歌王子嘅魅力，一定要睇节目喇！

今个周六晚21:40，锁定珠江频道《粤讲越掂》，一齐同声同气撑粤语！