为广大粤人设计嘅粤拼(Jyutping)教学

仲大人  編修

香港語言學學會於1993年設計及公佈咗《香港語言學學會粵語拼音方案》（簡稱《粵拼》）。《粵拼》係個有好多優點嘅新羅馬拼音方案，其不但多用途、系統性強、方便應用、更可標注現代粵語（廣州話）之所有發音，而且祇用英文字母同數字標注發音，並冇用任何重音符號同特殊符號，所以《粵拼》可以應用喺中文電腦輸入法上。現時大多數專業及非專業研究、學習粵語嘅網站均使用《粵拼》作為標準粵語拼音。《粵拼》亦已被政府承認，並於政府網站＂香港政府一站通＂作為電腦漢字發音之標準注音方案。          

《粵拼》之拼寫原則簡單，容易學習，而且專業，故此建議以粵語為母語嘅朋友學習粵語拼音以增值自己，以令自己對母語有更深嘅了解。   

聲調口訣：三 九 四 零 五 二

呢篇教程主要針對母語係嘅廣府人，喺內地一般都有學過北京話（普通話，以下淨北京話均指普通話）拼音，我哋先就來利用返北京話拼音來學粵拼，輕鬆使用粵語拼音輸入法Jyutping

  首先 ，聲母粵語同北京話對照表：

看完對照表，相信大家都學識粵拼Jyutping嘅聲母啦，除咗ng  ,ng其實係鼻音，可以參照返文字「嗯」。

接落來，到韻母啦，由於粵語承載咗唔少古漢語，保留埋古漢語嘅入聲，兼長音短音，同現時嘅北京話拼音並唔會完全對照返到，下邊我地就添加埋國際音標來做對照，注意一點係國際音標嘅爆破音喺粵拼度係唔發音嘅，就係發音嘴形參照：

OK ,相信就算唔識國際音標嘅人學識咗粵拼韻母  aan aang   ai  au an  ang  ei  i  iu in  ing  o ou  yu  yun 。如果又識國際音標嘅話 咁就剩低 eng   eon  oeng  eot oek  yut   「ng」可以聲母又可以韻母，上面聲母嗰度有教發音，「m」可以參照返粵語嘅讀音文字「唔」例如:我唔係壞人呀。就係呢個發音啦。「oi」可以參照返粵語文字讀音「愛」。

學熟咗聲母韻母，包保你可以好好地使用粵拼jyutping輸入法啦，常用嘅粵拼有：電腦上嘅rime、安卓嘅 谷歌廣東話輸入法、IOS嘅irime（暫時下架，會儘快重新上架）

至於聲調，九音六調呢啲，大家參考返上高嘅聲調口訣表就得嘅啦。再有唔明白嘅就請聯繫我哋啦，我哋將無償咁去指導大家，爲咗廣府文化得到傳承。現時廣府文化正在逐漸咁消失，廣東嘅小朋友基本都講緊北京話，係呢度小編多口講句，我就諗唔明白，廣東話傳承真正嘅古漢語，唐宋嘅官方語言，就咁失禮你D小朋友？唔畀佢哋學廣東話？

聲調表：

聲調符號字母：

註：（1）使用數字符號標註聲調時，將數字符號標在音節的右上角。例如：「粵語」的拼音是「jyut6 jyu5 」。

（2）使用變音符號標註聲調時，將變音符號標在音節的第一個元音字母上。例如：「粵語」的拼音是「jyùt jyú」。

（3）使用變音符號標註聲調時，第四聲無需標註符號。例如：「粵文」的拼音是「jyùt man」。

總結

正所謂 「無規矩不足以成方圓」 ，粵語拼音正是粵語語音系統之規矩，是學習粵語的基礎。有些書籍用普通話近音字（其實有些相差甚遠）去讀粵語，確實有點有點誤人子弟。如果大家想學一口比較標準的粵語的話，建議你好好掌握粵語拼音方案。

相關輸入法

Rime中州韻輸入法引擎（Windows發行版叫做「小狼毫」，Mac發行版叫做「鼠須管」，Linux發行版叫做「中州韻」及iOS平台的「iRime」。）

Google粵語輸入法（安卓手機、平板用）和Chrome的谷歌輸入工具插件（PC用）

微軟香港粵語輸入法2007

速打粵語輸入法

如果有唔識嘅可以諮詢相關專業朋友（亦可以搵返公衆號留低疑問，我地可以反饋畀作者），以幫助大家更好認識相關發音。由於呢幾個無法對照，如果大家想學嘅可以係公衆號留言，我哋會畀到發音音頻。

如果閣下鍾意我地，敢請你多多關注我地嘅文章，同埋多啲推介畀身邊嘅朋友仔睇啦?。