弘扬中国传统语文 输入法公司应推出粤语键盘

沐紫青枫 发表于 2021-09-19 14:32:46 | 只看该作者
0 0

弘揚中國傳統語文  輸入法公司應推出粵語鍵盤

 

我係加州人、中文使用者。每日,我都可以感受到中文使用之廣泛,亦深刻感受到中國語言嘅歷史同文化韻味。出於對中文嘅欣賞同愛護,學習粵語係不可或缺?。亦期待中國能夠推出一款自主研發嘅粵語輸入法。粵語輸入法有各方面優勢。正所謂「天時地利人和」,推出粵語鍵盤,於人、於企業、於國家有利,乃大勢之所趨。各輸入法公司應認識到推出粵語鍵盤嘅優越性、把握時機、盡快研發及推出粵語鍵盤。

 

由用戶需求去睇:現時有越來越多學習中文、再加上中國人愛護傳統語文嘅意識不斷加強,逐漸有越來越多嘅人希望轉用以粵語拼音打字。一方面可以進一步鍛練自己嘅語文水平;另一方面亦可以令打字效率更高、方便日常交流。

 

由市場份額去睇:現時大部份中國推出嘅中文輸入法大多數淨係得粵語語音輸入而冇拼音輸入法。目前中國嘅輸入法仍欠缺粵語鍵盤,可見市場對此仍有空缺。

 

由國家政策去睇:根據中國官方媒體新華社喺2017125日、農曆新年前,對中央政府文件嘅報道中指出「中共中央办公厅、国务院办公厅印发了《关于实施中华优秀传统文化传承发展工程的意见》,并发出通知,要求各地区各部门结合实际认真贯彻落实。」該意見中第十點明確指出中國對粵語嘅保護。以下引述新聞嘅一段:「语言文化传承在于文化系统的指导,教育系统的执行,应该通过兴趣课堂,开设粤语相关课程,并多开展粤语讲古、粤语童谣的活动,乐中学,这样方能把中央要求的这项工作做好。」

 

可見,中國嘅輸入法公司推出粵語輸入法係履行社會企業責任、係響應國家對中國語言文化傳承嘅號召,符合國家落實保護粵語嘅要求、亦充分體現中國國家領導人習近平總書記喺十九大會議报告中所提出之中國夢主旋律「提升文化自信,国家文化软实力和中华文化影响」及「坚定文化自信,推动社会主义文化繁荣兴盛」嘅核心精神。

 

以國際態度去睇:蘋果公司喺今年發佈嘅iOS 11系統入面由原本嘅語言只有「粵語(香港)」嘅基礎上再添加咗「粵語(中國)」此一選項。另外,互聯網科技公司 Google 2013107日發佈 Android 版本嘅粵語輸入法,至今年更喺其綜合各國語言嘅輸入法產品「Gboard」入面添加咗粵語鍵盤。連串嘅舉動說明粵語輸入法嘅需求越嚟越受到重視。

 

以長遠角度去睇,中國遲早都要跟上國際步伐、中國嘅輸入法公司亦要逐漸滿足各種中國語言嘅需求。無論而家發佈抑或以後發佈,既然遲早都要推出,與其拖拖拉拉,倒不如盡早開發、推出,優先佔據海內外用戶。

 

綜合多方面去睇:

一、粵語鍵盤幫助用戶直接以粵語思維打字。推出粵語鍵盤同時滿足粵語使用者工作交流同我手寫我口嘅即時需求,令使用者無需使用其它語言嘅拼音輸入法扭曲地輸入中文;

二、無論海內外、華人抑或外國人、使用抑或學習粵語嘅人,拼音輸入法對其都係必然嘅需求;

三、無論中國抑或海外公司,語言輸入技術對粵語嘅支援亦有必然嘅趨勢。推出粵語鍵盤亦係必然嘅事,只係時間問題;

 

敢問中國嘅公司有否如此高瞻遠矚呢? 有,中國嘅騰訊。馬化騰嘅騰訊公司,於1999211日推出社交媒體軟件「QQ」、搶先佔領通訊軟件嘅市場份額,至今仍然係中國主流嘅社交軟件。再睇埋我國企業創始人,蘋果公司嘅 Steve Jobs,佢推出 Apple 電話、起初無人睇好此產品,但係後來 Apple 電話成為明日之星、時至今日仍然係炙手可熱嘅產品。類似例子多不勝數,不再贅述。

 

總結:推出粵語鍵盤有各方面優勢。對用戶,滿足廣大海內外唐人學習同打字嘅需求;對企業,有利於穩固其自身喺輸入法行業嘅地位、提升用戶佔有率;對國家,既增強粵港澳人士、海內外華人對中國傳統語言文化嘅認同感、增強華人群體嘅凝聚力同對祖國嘅歸屬感,亦係響應中國國家主席習近平及中央政府要求對中華傳統文化進行保護弘揚嘅主旋律。故藉此良機推廣粵語鍵盤合情合理、符合天時地利人和,於人、於企業、於國家有利,對中文輸入法公司而言勢為必行之事。

 

最後衷心祝福中國科技對傳統中文嘅支援可以喺新嘅一年會有飛躍嘅進步。       


本帖子中包含更多资源

您需要 登录 才可以下载或查看,没有帐号?立即注册

x

本帖被以下淘专辑推荐:

您需要登录后才可以回帖 登录 | 立即注册

本版积分规则

加入我们,

发现生活更美好...

立即注册

如果您已拥有本站账户,则可

香港粤语音乐分享社
香港粤语音乐分享社

© 2017-2018 hebwjwc.com

返回顶部