古惑仔粤语《出师表》+古惑仔经典歌曲大串烧!

一开场直戳泪点！

古惑仔粤语《出师表》

我同你讲：你伯爷捞世界捞到一半就拉佐柴。宜家个场又分成三忽，益州又就快俾人掠埋，伽下真系几大锅。好彩你老豆班o靓够姜，劈起友黎唔要命，你估佢地为你啊？！俾面你老豆咋！所以唔好话我话你丫，系识捻个就的起心肝搞好个社团佢，咪搞到你老豆死都唔眼闭啊。唔好成日以为自己成只狗咁，班契弟个个都睇你头嘎，唔好俾面唔要面！

屋企同场口都系你地头，边条死铲唔识做就打7佢，千祈唔好就住就住。下面班o靓见到就无晒嘢讲啦。好似丧郭啊、费爷啊、老董啊佢地都系你死鬼老豆D手足，得闲就同佢地斟下，无坏既。向宠条契弟虽然霎下霎下，但系死得佢又几识捞，你死鬼老豆旧时都几睇重佢嘎。有时间同佢饮下茶，有着数实会预埋你。知唔知点解先汉咁风生水起，就系因为班废柴俾人斩晒！你死鬼老豆讲翻起真系丧到头都白晒。

唔怕同你讲，你世伯我原先系南阳耕田嘎咋，个势立立乱，好彩就话执翻条命仔，捻都无捻过出黎行。难得你死鬼老豆唔嫌我缩骨，日日黎痴饭食，问哩问路，你老味仲烦过伯爷婆，我顶佢唔顺唯有出黎陪佢捞世界。后尾俾人踩场系我出去顶，俾大耳窿追数又系我出去顶，顶下顶下都成二十几椂咯。

你个死鬼老豆知我有料，死唔断气都要交晒D生意俾我。日又捱夜又捱，又惊死捞得唔好你老豆半夜翻黎搵我，咪系五月份带班o靓过大海，你老味果度毛都唔多条！宜家下好啦，南边个场俾我地摆平左，班契弟又搵晒架撑，你好去劈友啦。边个扑街唔死远就斩开佢几十椂，掟落咸水海喂鲨鱼，将我地个场攞晒翻黎。嗱，你死鬼老豆就交带我咁多嘞，其他你去搵我之前讲果几条友喇。

世侄，我帮你劈埋今次友，捞唔掂你就捉我去祭旗。如果个场口唔够旺，就去叼臭丧郭果几条茂利。其余你食自己啦！

我就走嘎啦，写呢篇嘢真系写到成壳眼泪鼻涕，都唔知写紧乜，你自己执生。

来源：粤浦粤搞野（网络）

清远瑞铃隶属于俊诚汽车集团，是江西五十铃粤北区总代理。目前销售的D-MAX是一款高端皮卡，今年将同步推出高端SUV车型MU-X。主要业务包含汽车销售，汽车批发，汽车零配件销售，设有产品展示区、业务洽谈区、客户休息区、售后服务接待区等多项功能区域，为客户提供专业优质的服务。清远瑞铃诚邀您莅临品鉴。