粤语教学|第30节:你对这个“世界”了解多少

Hello，everybody

我係主播大米

大大话话

大米嚟到哩个世界已经廿几年啦

但係哩个世界分分钟喺度变化

唔跟住节奏

咁就OUT嘅啦

今期嘅粤语教学

我哋紧跟住哩个“世界”嘅脚步

一齐嚟认识哩个“世界”

成日听人讲

“行得快，好世界”

查实哩句话有两个意思嘅喔

如果哩个“世界”係指好前景

咁哩句话就指捷足先登、抢得先机

如果哩个“世界”係指唔好嘅境况

咁就恭喜你可以脱离困境、获取主动权啦

跟住落嚟

继续认识下哩几个“世界”

第一个係“捞世界”

喺哩度 “捞”嘅发音係“蚝油捞面”嘅“捞”嘅音

而唔係“捞仔”嘅“捞”嘅发音

“捞世界”係指出来搵食，食江湖饭啦（谋生、闯江湖）

我哋啲爷辈父辈啊

细细个就出嚟“捞世界”啦

第二个係“捱世界”

见到个“捱”字

就知係辛苦嘢啦

“捱世界”係指捱日子（熬苦日子）

宜家好多后生仔后生女

细细个就娇生惯养

好少人肯出嚟同你“捱世界”嘅啦

（莫名戳中软肋......）

第三个係“叹世界”

“好叹”即係好enjoy嘅意思

所以

“叹世界”顾名思义就係享受生活啦

亦都有指老人家享清福啦

你睇下老陈

啲仔女都出嚟“捞世界”啦

佢就“叹世界”啰

跟住再学两个名词

一个係“世界波”

另一个係“世界仔”

首先

“世界波”嘅“波”係“Ball”（球）嘅意思

哩度嘅“波”指“足球”

而“世界波”係指球技精湛、达到世界级水平

不过

“世界仔”唔係指具有世界级水平嘅男仔喔

哩个“世界仔”有两种唔同嘅意思

贬义就係指钟意擦鞋（拍马屁）、处事圆滑甚至见利忘义嘅人

而中性词含义就指聪明伶俐、敢闯敢搏

但係偶尔都会做啲出格嘅事嘅人

讲到尾

就係指聪明仔啦

不过千奇唔好“聪明反被聪明误”啊

好啦

讲咗咁多个“世界”

你又听明几多呢

今期嘅粤语教学时间就到哩度

下期见