「讲好普通话，推广普通话」
不知不觉已经持续咗将近20年
依家D中国人至少都会掌握两种语言
母语，普通话
但係普通话来到广州
威力竟然大到令广州人逐渐忘记粤语
忘记自己的母语！
外地嘅小朋友唔识粤语
外地嘅大人听得明但係唔识讲粤语
本地嘅小朋友识讲但係唔讲粤语
本地嘅大人都陪住小朋友少讲粤语
身为广州人都唔讲自己嘅母语——粤语
2015年，位于广州市越秀区嘅五羊小学
为咗令依家嘅小朋友都能够
讲粤语，识粤语
令粤语文化得到更好嘅传承
率先开设「粤语课堂」
该新尝试得到广大媒体同家长嘅肯定
小朋友喺课堂上学普通话、英语嘅同时
都唔会忘记粤语嘅传统文化
为咗更好地传承粤语文化
学生可以更系统化地学习粤语
今年五羊小学再推出粤语教材
可能係「广州第一本校本粤语教材」！
从历史、童谣到故事、粤剧
学生可以全方面了解粤语文化
唔单只识讲、识听、识写
仲可以了解到背后嘅岭南文化
教材印刷图文并茂，绚丽多彩
激发学生嘅学习兴趣
知识点非常生活化
令到学生可以活学活用
粤语，自秦朝至今，已经有2200多年的历史了。中国七大方言之一，也是汉族广府民系的母语。广东省近8000万本地人中，有近4000万人使用粤语，全世界有约7000万人使用粤语。粤语有最多20个声母，94个韵母，九声六调，发音系统复杂。
声母：b[p]帮；p[pʰ]滂；f[f]敷；m[m]明；d[t]端； t[tʰ]透；n[n]南；l[l]来；z[ts]精；c[ts]清；s[s]心；g[k]见；k[kʰ]溪；gw[kʷ]光；kw[kʷʰ]规；ng[ŋ]牙；h[h]好；j[j]盐；w[w]魂；[Ǿ]安（注：[]内为国际音标符号，左侧为粤语拼音符号，右侧为例字）
九声：诗（si1）；史（si2）；试（si3）；时（si4）；市（si5）；事（si6）；色（sik1）；锡（sik3）；食（sik）。
六调：周（zau1）；口（hau2）；店（dim3）；河（ho）；姆（mou5）；渡（dou6）。
「月光光，照地堂」
你仲记唔记得呢D童谣？
「执死鸡、跌眼镜、擦鞋」
呢D俗语嘅意思你又知唔知？
「萝卜青菜，各有所爱」
呢D粤语谚语你又听过几多？
「一叶轻舟去，人隔万重山」
仲有几多人识唱或者听过粤剧？
虽然五羊小学只係一个特例
《粤读羊城》都只係个案
但係从学校自发保护粤语文化
已经感受到粤语传承有希望啦！！
做广州人，讲广州话！
学识各地语言嘅同时
都唔可以忘记我哋嘅母语
识粤语，讲粤语，写粤语
身为广州人
一起将粤语文化发扬光大！
「粤语！我哋撑你！」
【特别声明：图片&视频源于网络，版权归原创者所拥有。】
友情链接