〔恩典365〕你当走嘅路甚远/2016.09.03(广东话)

呢几日我哋喺分享以利亚，点一步一步畀一个已经失败软弱到瘫喺地下嘅人可以重新企起身。寻日同你分享嚟讲，其实每一次都系神讲嘢，主嘅话，真系太宝贵喇，所以我要鼓励弟兄姊妹，真系好好读。因为就系神嘅话，每一句神嘅话都带住能力；每一次神向以利亚讲嘢都带嚟改变。第一句寻日话，神差派使者对佢讲，天使，传递唔系天使嘅话，天使系神嘅使者。换句话说，佢系传递神要对以利亚所讲嘅说话。神透过天使对佢讲，起身食啦！

  第一件事同你分享，真系神系何等嘅慈爱啊！佢知嗰个陷喺软弱里面嘅人，呢个时候唔咪闹佢，唔系讲道理，唔系攞枝棍打佢。唔系呀！呢个时候，佢需要嘅系，系先满足佢里面嘅需要，以利亚里面，恐怕充满咗好多一啲嘅不平，因为佢一直觉得，人哋都走咗，净系得我一个人吖。佢觉得不平，佢觉得我好重要，但系人哋都，所以主用爱满足佢需要。

  我真系成日都觉得，好多嘅时候，当我陷喺一个软弱入面嘅时候，都系我自己捐到一个牛角尖入面，主冇先同我讲，喂，你错咗，其实唔系，你嘅谂法，根本就唔啱，你噉睇人哋根本冇道理。唔系呀！主唔系第一句说话就同佢讲话，以利亚你起身，乜净系得你一个人，有七千个冇向巴力屈膝嘅，你胡说八道，神唔系！神知道，呢个时候同佢讲道理，系无用嘅，呢个时候佢需要嘅系一个爱嘅挽回。

  你经验过主爱嘅挽回吗？就好似以利亚喺嗰个软弱当中嘅时候，主知道佢需要，对佢讲起身食啦，仲讲两次。第二次又讲起身食啦，点解呢？可以想象嘅，第一次被叫起身食啦，食得心不甘情不愿，食完，继续曳喺地下。主第二次对佢讲，起身食啦！又加一句说话，因为你当走嘅路甚远。你知道，我觉得神太好喇，主知道点激励人，啱好似以利亚噉嘅一个人，佢就好似一个，就想等住上场嘅球员，但而家呢？佢可能失去再上场嘅机会，佢好挫折，好嬲，曳喺地下，有咩方法可以畀佢重新企起身呢？佢话我唔打球啦，唔练球啦，再都唔好玷球喇。净系得嗰个队嘅教练对佢讲话，喂，起身！我仲要用你。你当走嘅路甚远，你嗰个球员生涯仲长嘅呢！

  主知道点激励一个失志嘅球员，主知道点激励一个曳喺地下嘅战士，主对佢话：你仲有好重要嘅托付呢，我仍然要用你，起身！你当走嘅路甚远。你都系一个好深嘅挫折里面吗？我愿主今日透过呢段嘢都同你讲，起身食啦，你要好好嘅，继续靠住神嘅恩典重新得力。因为主仍然要用你，主仍然要用你，主喺你身上仍然有一个好深嘅计划，你当走嘅路甚远。亲爱的弟兄姊妹，你听到主对你讲吗？你当走嘅路甚远！

我哋一齐嚟祷告：主丫多谢你！喺人生走过嘅呢段历程当中，唔知道几多次，我陷喺嗰个软弱入面嘅时候，我听到你同我讲，起身！你当走嘅路甚远。多谢主，你一句说话，激励我可以重新企起身。愿主今日都对好多喺网路喺手机喺电视前嘅弟兄姊妹，好朋友们，对佢哋嘅心话：起身，你当走嘅路甚远，主仍然要用你！但愿主嘅话，成为我哋里面嘅激励，令我哋可以重新企起身，呢个系我哋对你嘅祷告，求吓你帮助我哋，奉主基督得胜嘅名祷告  ，阿们！嗨，曳喺地下嘅球员，失志嘅战士，主对你话：起身！你当走嘅路甚远。

经文：：“起身食啦！因为你当走嘅路甚远。”  

 •列王纪上十九章7节。